1 Kɔlɛ̂ŋtɛ 15:51 - Kɑɑ Fí

⁵¹ Tsʉ́Ꞌnɛ ɛ sẅíi wʉ́ʉ nɛ́ yɛcɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, pɛkŋɛ pɛtsʉʉ kɛ́ lɑ́Ꞌ ńtɛmtɛ ḿpfú pɔ́, lɑ́ pɛkŋɛ pɛtsʉʉ ɡʉ ńdɑ́Ꞌ ńtɛmtɛ ɡẅɛɛ yɛcɔ́ mbʉʉ yi fí,

1 Kɔlɛ̂ŋtɛ 15:51 교차 참조

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 15:18

Ɛ́ pɛn ńdɔk ḿbɔ́ ŋɡɔ, pʉɔ pi pɔ́p kɑ ɡɔ́ ḿpfú, tʉ́m yɔ́p zɑ́pmɛ nǔu Kɛlístɔ, pɔ́p kɑ pɛ́ mɔ́.

1 Kɔlɛ̂ŋtɛ 15:20

Lɑ́ ɛ́ kɛ́ mbɔɔ pɔ́Ꞌɔ pɔ́, Kɛlístɔ kɑ tsuŋ ńzẅíimɛ nǔu nɛvú ḿbɔ́ nduŋmbi, ńdɔk ńnyɛt ŋɡɔ pʉɔ pi pɔ́p kɑ pfúnɛ ɡʉ ńdɑ́Ꞌ ḿbɛn ńzẅíimɛ yɔ́p nǔu nɛvú.

1 Kɔlɛ̂ŋtɛ 15:6

ḿbɑ́ɑtɛ ńnyɛt mbʉʉ yɛ́ mbɔ̌ pɔ́ɔpɛ́mɑ́ tɛ ɛ́ lɛɛ pʉɔ ŋkʉ yɛ́tɑɑ, pɔ́p tɛmtɛ ńjʉ́ɔ wɛ́. Ɛ́ nǔu pɔ́p nɛlʉ́m pɛ́t pɔ ɡú, lɑ́ mbɔ yɛcɔ́ ntɑ́Ꞌ pfútɛ mɔ́.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

2 Kɔlɛ̂ŋtɛ 5:2

Ɛ́ yúu mi ɛ́ ɡɛnɛ pɛkŋɛ pɔ́ ŋkɔ̂ɔnɛ ḿbɔ́ ńdɑɑ, ńtsɑ́ɑ nɛpɔ́ tsɛt ndɑ́ yɛkŋɛ tʉ́nɛ́pú, nɛpɔ́ tsɛtú pɑ́Ꞌ ŋu ẅi ɑ tsɛt ndẅí fí yi ɑ mɑꞋnɛ lɑ́.

2 Kɔlɛ̂ŋtɛ 5:4

mbíꞋŋɡɔ ɛ́ ŋkɑ́ yi pɛkŋɛ pɛ́tnɛ tsɛt wɔ ntɑp, mɛnu pɔ́ fyɛ́t wɛkŋɛ, pɛkŋɛ lɑɑ. Ɛ́ nɛ́nẅín ŋɡɔ pɛkŋɛ kɑ pɔ́ ŋ́kɔŋ ŋɡɔ pɛ́ fú nǔu pɛkŋɛ ńcẅɛɛtɛ yɔ mbʉʉ, pɛkŋɛ lɔɔ nɛmɑꞋ ndẅí yɛ tʉ́nɛ́pú nǔu, nɛpɔ́ yi mbʉʉ yi ɛ́ kɑ́ pfú ɡʉ mi mbʉʉ yi ɛ́ ɡẅɛɛnɛ nɛpfú.

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

Ɛ́fɛ̂zɛ 3:3

A kɑ kyɛꞌ yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ńnyɛt wɑ́ɑ, pɑ́Ꞌ n zɛɛ ŋ́ŋwɑꞋnɛ tsɛt yɔ ŋwɑꞋnɛ ɛ́sẅíi wʉ́ʉ lɑ́. Ŋ kɑ́ ŋwɑꞋnɛ ɛ́ sɑk pɔ́.

Ɛ́fɛ̂zɛ 5:32

Yɔ ntsɛm ɡú tɛꞋ, n cú pɑ́Ꞌɑ nǔu Kɛlístɔ mbɑ nǔu cúꞋlɛ-pʉɔ pɛ́.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.