42 Ɛ́ ɡʉ ńdɑ́Ꞌ ḿbɛn ḿbɔ́ pɔ pɔ́Ꞌɔ, ŋkɑ́ yi pɛpfúsɛ́ ɡʉ ńdɑ́Ꞌ ńzẅíimɛ nǔu nɛvú. Yúu mi pɛ́ pinɛ sɛ́, mbʉʉ yi ɛ́ lʉ̈ɔ́nɛ, lɑ́ mbʉʉ yi ɛ́ zẅíimɛnɛ nǔu nɛvú kɛ́ lɑ́Ꞌ ḿbɛn ńdʉ̈ɔ́ pɔ́.
Ɛ́ ɡɔ́ ḿbɔ́ pɔ́Ꞌɔ, pʉɔ pínɛ pɔ́p zúꞋnɛnɛ Sɛ́ pɔ́ tsɛt ŋɡɔŋ ẅí Tɑ̌ɑ wɔp Sɛ́ sɑ́Ꞌnɛ, ḿbɔ́ ŋ́ŋwɑŋɛ pɑ́Ꞌ mɔ́nɛm lɑ́. Ŋu lɑɑ ŋ́ɡẅɛɛ mɛtúutɛ́ nɛlɔk ńzúꞋ nu ɑ zúꞋ.
mbíꞋŋɡɔ ɛ́ lɑɑ ḿbɔ́ ɔ pɔɔ mɛꞋ wɑ́ɑ lɑ́Ꞌ-pɛpfú pɔ́, ḿbɛn ŋ́kɛ́ mbɔɔ pɛ́m ŋɡɔ ŋu ẅí ɔ kɑ tsɔ́Ꞌnɛ wɛ́ lʉ̈ɔ́ tsɛt nɛshi pɔ́.
Ɛ́ m̄bɔ́ pɔ́Ꞌɔ, mbɔ fɔɔ-Ndɑvît zɑ́Ꞌ njí ńjí ŋɡɔ Nzɑ́Ꞌŋkʉ ɡʉ ńdɑ́Ꞌ ńzẅíimɛ nǔu nɛvú. Ɛ́ yɛ́tɛ́ lɑ́ ɑ kɑ cú nu yi ɛ fúnɛ nɛcú lɑɑ nǔu Nzɑ́Ꞌŋkʉ ŋɡɔ Sɛ́ ŋkɑɑ ḿbɔ́ ŋ́ɡʉ ḿmɛꞋ wɛ́, ɑ ɡɔ́ŋ lɑ́Ꞌ-pɛpfú pɔ́, ḿbɛn ŋ́kɛ́ mbɔɔ pɛ́m ŋɡɔ ɑ lʉ̈ɔ́ tsɛt nɛshi pɔ́.
Pɔ́p nɑ́ nɛɡúꞋlɛ Sɛ́ ẅí ɑ ɡẅɛɛnɛ nɛɡúꞋ, ḿbɔ́ kɛ́ pfú, ńtsʉ́Ꞌ ŋ́ɡúꞋlɛ pɔ yúu níinɛ, mɛyúu mi ɛ́ fínɛ ŋumɛsɔŋ ẅí ɑ ḿpfú, fí pɛshʉ́ŋ, pɛcɔ́ fí mɛyúumɛku mi ɛ́ ɡẅɛɛnɛ mɛku mɛ́nɛ́kwɑ, pɛcɔ́ fí mɛyúumɛku mi ɛ́ shuŋnɛ nɛpɛm nɔ́p pɔ sɛ́.
ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.
Ɛ́ pɔ́ ŋɡɔ yɛcɔ́ lɛ́Ꞌ ɡʉ ńdɑ́Ꞌ ŋ́kuꞋ, ɑ fú ndɑ́-kwɑɑ ńcẅɛɛtɛ mbɑ kʉ̈ɔ́ lɑ́ yi ɑ kɑ niitɛ́nɛ, yɛcɔ́ yúu pɔɔ pɛn ńdyɔ́ nǔu pɔ́, mbɑ kʉ̈ɔ́ lɑ́ pɔ́ zʉꞋ yi pʉɔ-Sɛ́ zúꞋu tsɛt nɛɡúꞋ, yɛcɔ́ yúu lɔɔ ḿpfú zúꞋu pɔ́, yɛcɔ́ kɛ́ mbɔɔ lyɔ́.
Nɛsíi wɛ nɛm ɑ ndɛꞋ, wɛ sɑŋ pɔ́ ndɛꞋ, wɛ pɛcʉ̈ɔ́Ꞌ-sɑŋ ɛ́ pɔ́ ndɛꞋ. Mbɑ wɛ́tɛ́ cʉ̈ɔ́Ꞌ-sɑŋ ɔɔ, síi pɔ nɛ́ yɛ́ ntɛ́ nǔu pɛcɔ́.
A lɑɑ ḿbi yúu mi ɛ́ pɔ́ŋ pɔ mbʉʉ yɛ́, mbɔ yúu ɛ̂pɑ́ ɡʉ ńdɑ́Ꞌ ŋ́ɡɛ ɑ ḿpfú ḿbɛ́. Lɑ́ ḿbɔ́ yi ɑ lɑɑ ḿbi yúu mi ɛ́ pɔŋnɛ Zẅikŋɛ Lɛ́ɛnɛ́nɛ, mbɔ Zẅikŋɛ Lɛ́ɛnɛ́nɛ ɡʉ ńdɑ́Ꞌ ŋ́ɡɛ ɑ ɡẅɛɛ luk kɛ́mɛ.
ɛ́ pɔ́ ntʉ̈ɔt wɛkŋɛ ẅí ɛ́ tʉ́nɛ́pú, mbɔ Sɛ́ kɑ lẅɛꞋ mbɔ̌ pɛkŋɛ, yi ɛ́ lɑɑ ḿbɔ́ ɛ́ pɔɔ pʉ́ʉpɛ, ntsɛ́llɛ́ kɛ́ mbɔɔ ɡẅɛɛ, ɛ́ kɛ́ ḿbɔɔ lʉ̈ɔ́,
