1 Kɔlɛ̂ŋtɛ 14:1 - Kɑɑ Fí

¹ Pɔ́Ꞌɔ lɑ́ pʉʉ piitɛ ɛ́sɑ́Ꞌ tʉʉ ŋ́ɡɛ tɑ́Ꞌ yúu, ɛ́ pɔ́ nɛkɔŋ ŋumɛsɔŋ, pʉʉ pɛn ńtsɑ́ɑ yúu ntɛ́ nɛntɛ yi Zẅikŋɛ Lɛ́ɛnɛ́nɛ lɔknɛ ŋ́ɡɑ́ fuꞋ níinɛ-pʉɔ, nɛlʉ́m pɔ́ nɛtsɑ́ɑ nɛcẅi Ŋkʉʉ ẅí ɛ́ fúnɛ mbɔ̌ Sɛ́.

1 Kɔlɛ̂ŋtɛ 14:1 교차 참조

Pʉɔ-Lɔ́mɑ 12:6

Ɛ́ yɛ́tɛ́ lɑ Sɛ́ ɡɑ́ fuꞋ níinɛ yɛkŋɛ, ŋ́ɡɑ́ fuꞋ yɛ́ mbɑ wɔ̌ lɑ́ ɛ́ pɔ́ pɔ yɛ́ ntɛ́. FuꞋ yi ŋu lɑɑ ḿbɔ́ ńnɑ́ŋ ńcẅi Ŋkʉʉ ẅí ɛ́ fúnɛ mbɔ̌ Sɛ́, ɑ ɡɔ́ ńcẅi, ńcẅi nǔu ntɛ́ yi ɑ sɛ́ ńzúꞋ, mbɔ Sɛ́ lɔk ɛ́sẅíi wɛ́ pɔ́Ꞌɔ.

Pʉɔ-Lɔ́mɑ 14:19

Pɔ́Ꞌɔ lɑ́, pɛkŋɛ lɔɔ yúu mi ɛ́ ɡʉ ŋ́ɡɛ pɛkŋɛ nɑ́ŋ nɛ́ mɔ́fíitɛ, ḿbɛn ŋ́kẅiꞋ ńtɔ́ɔtɛ mɛmbʉʉ mɛkŋɛ nǔu nɛzɑ́p tʉ́m nǔu Sɛ́.

Pʉɔ-Lɔ́mɑ 9:30

Pɛkŋɛ fú nǔu yɔ nu ńjʉ́ɔ ŋɡɔ kʉ̈ɔ́? Pɛkŋɛ jʉ́ɔ ŋɡɔ tɛ mbɑ pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́ ŋkɑɑ ŋ́kɛ́ ḿbɔ́ ńdɔɔ shʉ́ nɛpɔ́ pʉɔ pi pɔ́p ndʉ́ŋndʉŋ mbi Sɛ́ pɔ́, shʉ́ kɑ cẅɛt mbɔ̌ pɔ́p. Ɛ́ pɔ́ pɑ́Ꞌ pɔ́p kɑ zɑ́pnɛ tʉ́m yɔ́p nǔu Kɛlístɔ, Sɛ́ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,

1 Kɔlɛ̂ŋtɛ 12:1

Pɔ́ɔpɛ́mɑ́ pɑ́ɑ, ɛ́ ɡʉ nǔu pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ fuꞋ níinɛ mbɑ pɔ́fɑꞋ wɛ́tɛ́ ŋu lɑ́, mɔ sɛ́ ŋ́kɔŋ ŋɡɔ pʉʉ jínu nɛ́nẅín nǔu nu-pɔ́fɑꞋ ɛ̂yɑ́.

1 Kɔlɛ̂ŋtɛ 12:31

Pɔ́Ꞌɔ lɑ́, pʉʉ sɛ́ ńtsɑ́ɑ ŋɡɔ Sɛ́ lɔk mɛyúu mi ɛ́ cẅɛ́lɛ́nɛ tɛꞋ ŋ́ɡɑ́ fuꞋ níinɛ yʉ́ʉ. Lɑ́, mɔ ŋ́kɛ́ ńnyɛt wʉ́ʉ nɛ́ sɛ̂ndúŋ ẅi ɛ́ lɛɛnɛ mɛcɔ́ tsʉʉ.

1 Kɔlɛ̂ŋtɛ 13:13

Pɛkŋɛ lɔk pɑ́Ꞌɑ ńjʉ́ɔ ŋɡɔ yúu mi ɛ́ ɡʉ ńdɑ́Ꞌ ḿbɔ́ pɔ ɡú ɛ́ yɛ́tɑ́t: «Yɔ nɛzɑ́p tʉ́m nǔu Sɛ́, yɔ pɔ́ nɛnɑ́ŋ ḿbɔ́ ńzẅíꞋlɛ yúu mbɔ̌ Sɛ́, ŋ́ɡɛ nɛkɔŋ ŋumɛsɔŋ.» Lɑ́, tú yi ɡwɛ́ nǔu mɛyúu mɔnɛ mɛ́ntɑ́t ɛ́ pɔ́ pɔ nɛkɔŋ ŋumɛsɔŋ.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 14:22

Ɛ́ lɔk pɔ́Ꞌɔ, ḿbɔ́ ŋɡɔ, Sɛ́ lɛɛ nǔu nɛsẅíŋɛ mɛsẅíŋɛ mi pɛ́ ŋkɑɑ zíꞋ, ńdɛꞋlɛ yɛcɔ́ lii pɔ mbɔ̌ pʉɔ pi pɔ́p kɑ́ zɑ́p tʉ́m nǔu wɛ́ pɔ́, ɛ́ kɛ́ mbɔɔ ńdɛꞋlɛ pɔ́Ꞌɔ, mbɔ̌ pʉɔ pi pɔ́p zɑ́pnɛ tʉ́m nǔu wɛ́ pɔ́. Nɛcẅi Ŋkʉʉ ẅí ɛ́ fúnɛ mbɔ̌ Sɛ́, ɛ́ lɛꞋlɛ yɛcɔ́ yúu pɔ mbɔ̌ pʉɔ pi pɔ́p zɑ́pnɛ tʉ́m nǔu Sɛ́, ɛ́ kɛ́ mbɔɔ mbɔ̌ pʉɔ pi pɔ́p kɑ́ zɑ́p tʉ́m nǔu Sɛ́ pɔ́ pɔ.

1 Kɔlɛ̂ŋtɛ 14:37

Ŋu lɑɑ ḿbɔ́ ŋ́kwɑŋɛ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, kɛ pɔ mbɔ̌ Zẅikŋɛ Lɛ́ɛnɛ́nɛ ɔɔ, mbɔ ɑ ɡẅɛɛ nɛjí ŋɡɔ yɔ nu yi ŋ wɑꞋnɛ́nɛ ŋ́ɡɑ́ mbɔ̌ pʉʉ lɑɑ ɛ́ nɛpʉ́ʉ ni ɛ́ fúnɛ mbɔ̌ Tsɑpʉɔ.

1 Kɔlɛ̂ŋtɛ 14:39

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ tsɑ́ɑ tɛꞋ nɛpɔ́ pɑcẅiŋkʉʉ pi pɔ́p fúnɛ mbɔ̌ Sɛ́ ḿbɛn ḿbɑ́ɑ nɛtɔꞋ pɛcɔ́ pʉɔ nɛsẅíŋɛ mɛsẅíŋɛ mi pɔ́p ŋkɑɑ mɔ́ zíꞋ pɔ́.

1 Kɔlɛ̂ŋtɛ 16:14

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ lɔk pɔ ŋkɔŋɛ.

Ɛ́fɛ̂zɛ 1:3

Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,

1 Tɛsɑlɔník 5:20

Kɔɔ pʉʉ ɡwɑ́k sẅiŋɛ-pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́,

1 Timɔtɛ́ɛ 4:14

Kɔɔ lɔk yúu mi Sɛ́ kɑ lɔknɛ ŋ́ɡɑ́ fuꞋ yú, ḿmɑꞋ kwɑŋɛ. Nɑ́ŋ ḿbɔ́ ŋ́kẅíitɛ pɑ́Ꞌ pɛ́ kɑ ɡɑ́nɛ yɔ fuꞋ mbɔ̌ ɡu ńdɛɛtɛ nǔu sẅiŋɛ-Sɛ́ yi ɛ́ fúnɛ mbɔ̌ pɛŋɡɛ́mndʉ̈ɔ́Ꞌ, mbɑ pɑ́Ꞌ pɑcẅɛ́ɛmbi tsɛt cúꞋlɛ-pʉɔ-Kɛlístɔ kɑ zɑ́pnɛ mbɔ́ mɔ́p tú ɡu.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

2 Timɔtɛ́ɛ 2:22

Kʉɔ mɛyúu kɛpɔŋ mi ŋɡwɑsuu tsɑ́ɑnɛ nɛɡɛ. Pʉʉ pɛ pʉɔ pi pɔ́p fúŋnɛ Tsɑpʉɔ nɛ́ tʉ́m lɛ́ɛnɛ́nɛ lɔɔ nu yi ɛ́ tʉ́ʉnɛ ndʉ́ŋndʉŋ, ńzɑ́p tʉ́m nǔu Sɛ́, ŋ́kɔŋ pʉɔmɛsɔŋ, ńnɑ́ŋ nɛ́ mbɔ́tnɛ.

Ɛ́bɛlʉʉ 12:14

Pʉʉ lɔɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ. Pʉʉ lɔɔ mbɑ pɑ́Ꞌ pʉʉ ɡʉ ŋ́ɡɛ yúu mi Sɛ́ kɛ́ jʉ́ɔ lɔ́Ꞌ nǔu pɔ́. MbíꞋŋɡɔ ŋu lɑɑ ŋ́ɡɛ yúu mi Sɛ́ ɡʉ jʉ́ɔ lɔ́Ꞌ nǔu, mbɔ ŋɡɑŋ ńdɑ́Ꞌ ńjʉ́ɔ Tsɑpʉɔ pɔ́.

2 Pyɛ̂ 1:7

ŋ́ɡʉ nǔu nɛjí pɔ ndɑꞋ Sɛ́, ŋ́kẅiꞋ pɑ́Ꞌ nu-pɔ́ɔpɛ́mɑ́ pʉ́ʉ ɡʉ ḿbɔŋ wʉ́ʉ, ŋ́ɡʉ nǔu pɑ́Ꞌ nu-pɔ́ɔpɛ́mɑ́ pʉ́ʉ sɛ́ ḿbɔŋ wʉ́ʉ, ŋ́kẅiꞋ ŋkɔŋɛ.

3 Jɑ̂ŋ 1:11

Súu wɑɑ wɛ tʉʉndɛn, pɑ́ɑ nɛpɛ́ɛ fʉꞋ-nu kɛpɔŋ, pɛ́ɛ pɔ fʉꞋ-nu sʉ́Ꞌnɛ. Ŋu ẅí ɑ ɡɛnɛ nu sʉ́Ꞌnɛ ɑ mɔ́ɔ-Sɛ́, ŋu ẅí ɑ ɡɛnɛ nu kɛpɔŋ ɑ kɑ́ jí Sɛ́ pɔ́,