1 Kɔlɛ̂ŋtɛ 13:5 - Kɑɑ Fí

⁵ ɑ kɑ́ ɡɛ mɛnu sʉ́ʉ pɔ́, ɑ kɑ́ nyɛ́p pɔ́, ɑ kɑ́ fɛ́Ꞌnɛ ńzɑ́ŋ lɔ́ŋ pɔ́, ɑ kɑ́ ɡẅɛɛ ŋu lɔ́ŋ yɛ́ pɔ́,

1 Kɔlɛ̂ŋtɛ 13:5 교차 참조

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

Mɑtʉ̈ɔ 9:4

Yɛ́su jí yúu mi pɔ́p sɛ́ ŋ́kwɑŋɛ, ńcú mbɔ̌ pɔ́p ŋɡɔ: «Pʉʉ ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ kɛpɔŋ tsɛt tʉ́m yʉ́ʉ?

Mɑ́lɛ́kúshi 3:5

Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Lúkɑ́shi 7:39

Ŋu-Fɑlísɑy ẅí ɑ lɑ́Ꞌnɛ ɛ́fúŋ Yɛ́su jʉ́ɔ pɔ́Ꞌɔ, ŋ́kwɑŋɛ tʉ́m yɛ́ ŋɡɔ, ŋu wɔ pɛ́Ꞌɛ ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́, mbɔ ɑ jí lii mɑŋɡɛ́ ẅi ɑ zɑ́pnɛ pɔ́ nǔu wɛ́ lɑ́, mbɔ ɑ jí ŋɡɔ ɑ mɑŋɡɛ́ kɛpɔŋ.

1 Kɔlɛ̂ŋtɛ 10:24

Kɔɔ ŋu lɔɔ pɔ yúu mi ɛ́ ɡʉ ńcẅɛ́lɛ́ pɔ túmbʉʉ yɛ́. Ŋu lɔɔ yúu mi ɛ́ ɡʉ ńcẅɛ́lɛ́ mɔ́ɔmɑ́ wɛ.

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

1 Kɔlɛ̂ŋtɛ 11:18

Ɛ́ ɡʉ nǔu mɛnu mi ɛ́ sɛ́, nduŋmbi nu ɛ́ pɑ́Ꞌ ŋ kɑ zúꞋnɛ ŋɡɔ pʉʉ ńnɑ́ŋ sɛ́ tsɛt cúꞋlɛ yʉ́ʉ, ɛ́fɑkŋɛ mɛnɔɔ mɛnɔɔ, m bɔ́ ńjʉ́ɔ ŋɡɔ ɛ́ ŋ́ɡɛ pɑ́Ꞌ lɑ́, ɛ́ pɔ́ pɔ nu.

1 Kɔlɛ̂ŋtɛ 12:25

ńjí ŋɡɔ mbɑp-mbʉʉ kɛ́ nɑ́ŋ mɛnji mɛnji pɔ́, tɛ ńtsʉ́Ꞌ pɔ́Ꞌɔ, zʉꞋ-mbɑp-mbʉʉ ɡɔ́ ɛ́fɑꞋ yɛ́ fɑꞋ, ɛ́fɑꞋ pɑ́Ꞌ mɛcɔ́ mɛzʉꞋ ɡʉ ńjʉ́ pii yɛ́.

1 Kɔlɛ̂ŋtɛ 7:36

Ɛ́ ɡʉ nǔu mɔ́ɔ mbɛ́ɛnɛ ẅi ɑ kɑŋnɛ mɔ́ɔ mɑŋɡɛ́, nu yɛ́ pɔ́ tú wɛ́ tɛꞋ, lɑ́ ḿbɔ́ ḿbɔ́k nɛɡɛ pɑ́Ꞌ ɛ́ kɑ́ pɔ́ ḿbíkŋɛ pɔ́ nǔu wɛ́, ńjʉ́ɔ ŋɡɔ pɛ́ ɡʉ niitɛ mɛnu pɑ́Ꞌ ɛ́ sɛ́ ḿbíkŋɛ, ɑ ɡɛ pɑ́Ꞌ ɑ jʉ́ɔnɛ. A kɑ́ pɔ́ pɔ́Ꞌɔ ńdɔk ɛ́fɑɑnɛ pɔ yɛcɔ́ nu pɔ́. Ɛ́ pɔŋ ŋɡɔ pɔ́p zɔ́Ꞌ.

2 Kɔlɛ̂ŋtɛ 5:19

Sɛ́ kɑ zɛɛ ḿbɔ́ ŋ́ɡɑ́ Kɛlístɔ, ḿbɔ́ ḿmik mbuu yí pɔ́p pʉɔmɛsɔŋ ndǔmbí ɡẅɛɛnɛ, pɔ́Ꞌɔ, kɛ́ pɛn sɑ́ŋ mɛnu kɛpɔŋ mɔ́p, ŋ́ɡɛ ńdẅiklɛ sẅiŋɛ lɔk ḿmik mbuu mbɔ̌ pɛk.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Filipɛ 2:21

Pɛcɔ́ pʉɔ sɛ́ ɛ́sɑ́ŋ nu pɔ ndɑꞋ nǔu yɔ́p tú tɛ pɔ́p kɑ́ pɔ́ ɛ́sɑ́ŋ nu nǔu nu-Yɛ́su Kɛlístɔ pɔ́.

Filipɛ 4:8

Pɔ́ɔpɛ́mɑ́ pɑ́ɑ, nu yi m bɔ́ ńdɔk ńcɔ́kŋɛ ɛ́ ŋɡɔ, kwɑŋɛ yʉ́ʉ ńnɑ́ŋ ńtʉ́ʉ pɔ nǔu mɛnu sʉ́Ꞌnɛ mi pʉɔ tɛ ńzɑ́ɑ ɡʉ̈ɔꞋtɛ́nɛ, ńtʉ́ʉ nǔu nu nɛ́nẅín, nǔu nu yi ɛ́ tʉ́ʉnɛ ndʉ́ŋndʉŋ, nǔu nu kɛ́ lɔ́Ꞌ, nǔu mɛnu mi ɛ́ mɛ́ mɛkuꞋ, nǔu mɛnu mi pɛ́ ɡɛ pʉɔ ɡɑ́ pɑ́Ꞌlɑ́, mɛnu mi ɛ́ cẅɛ́lɛ́nɛ, nǔu mɛnu mi pɛ́ sɛntɛ ŋu nǔu.

2 Tɛsɑlɔník 3:7

KwɑꞋ pʉʉ yʉ́ʉ sɛ́ ńjí pɑ́Ꞌ ɛ́ sɛ́ ḿbíkŋɛ ŋɡɔ pʉʉ ɡɛ pɔ́Ꞌɔ, ńdɔk ńnɛn nǔu mɛku mɛ́k, mbíꞋŋɡɔ pɛk kɑ pɔ́ tsɛtsɛt pʉʉ, ḿbɔɔ ḿbɔ́k fɑꞋ pɔ́.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

2 Timɔtɛ́ɛ 4:16

Ɛ́ ɡʉ nǔu nu yɑ́ɑ, mbɔ ŋ kɑ pɔ́ nduŋmbi ŋkɑ́ yi ŋ kɑ ɡʉnɛ zʉꞋ-ntsɑŋ zɔŋ tú yɑ́ɑ. Pʉɔ tsʉʉ ḿmɛꞋ wɑ́ɑ, n cẅɛt zɛ́nɛ mɔ. Sɛ́ likŋɛ yîyɑ́ nu ŋ́ɡɑ́ mbɔ̌ pɔ́p!

Jɑ̂k 1:19

Pɔ́ɔpɛ́mɑ́ pɑ́ɑ pɛtʉʉndɛn, pʉʉ jí ŋɡɔ ɛ́ pɔŋ mbɔ̌ ŋu nɛjí nɛzẅíꞋlɛ nu yi pɛ́ cúnɛ, ḿbɛn ńcú yɛ́ nu ɛ́ kuꞋ kuꞋnɛ, ŋ́kɛ́ mbɔɔ fɛ́Ꞌnɛ ńzɑ́ŋ lɔ́ŋ pɔ́,