1 Kɔlɛ̂ŋtɛ 13:2 - Kɑɑ Fí

² Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 13:2 교차 참조

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Mɑtʉ̈ɔ 17:20

A pʉ̈ɔt mbɔ̌ pɔ́p ŋɡɔ: «Ɛ́ pɔ́Ꞌɔ, mbíꞋŋɡɔ pʉʉ zɑ́p tʉ́m nǔu Sɛ́ pɔ mɔ́zʉꞋ ŋɡɔ pítɛ. Pʉʉ lɑɑ sǐi ńzɑ́p tʉ́m yʉ́ʉ nǔu Sɛ́ ɛ́ kʉ̈ɔ́k pɔ mɔ́zʉꞋ pɑ́Ꞌ nɛsɑɑ-sɛ́súk, mbɔ ɛ́ lɑɑ ḿbɔ́ pʉʉ cú mbɔ̌ nɛŋkɔ́Ꞌ nɔ ŋɡɔ: “Tsɔ́Ꞌnɛ ŋ́ɡʉ ńtʉ́ʉ zíꞋnɛ, ɛ́ ɡʉ ńtʉ́ʉ zúꞋu. Mbɔ ɛ́ lɑɑ ḿbɔ́ yɛcɔ́ nu pɔɔ lɑ́Ꞌ ńtsɑ wʉ́ʉ pɔ́.”» [

Mɑtʉ̈ɔ 21:19

A jʉ́ɔ tʉ́-ŋɡɛ̌m mbʉʉ-sɛ̂ndúŋ, ŋ́ɡʉ nɛtsɛ́n nú, ńjʉ́ɔ pɔ ndɑꞋ mɛfu nǔu, ńcú mbɔ̌ tʉ́ ɛ̂yɑ́ ŋɡɔ: «Ɔ kɛ́ lɑ́Ꞌ ḿbɛn ńzɛ́m ntɑ́ɑ pɔ́!» Tʉ́ ɛ̂yɑ́ ɡɔ́ɔ ńzúu.

Mɑtʉ̈ɔ 21:21

Yɛ́su pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pʉʉ lɑɑ ńzɑ́p tʉ́m nǔu Sɛ́, tɛ mbɔɔ mʉꞋlɛ, mbɔ pʉʉ ɡʉ kuꞋ nɛɡɛ yúu mi ŋ ɡɛnɛ nǔu tʉ́-ŋɡɛ̌m lɑɑ tɛ ńdɛɛ pɔ́Ꞌɔ.» Mbɔ ɛ́ lɑɑ ḿbɔ́ pʉʉ kuꞋ nɛcú mbɔ̌ nɛŋkɔ́Ꞌ nɔ ŋɡɔ: «Fú zɑ́Ꞌɑ ŋ́ɡʉ ńtʉ́ʉ tsɛt ŋki kɛ́ nɛpɑt! Ɛ́ zúꞋ ntsu wʉ́ʉ.»

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

Pʉɔ-Lɔ́mɑ 15:14

Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

1 Kɔlɛ̂ŋtɛ 11:4

Ŋu mbɛ́ɛnɛ lɑɑ ŋ́ɡɔ́ ḿbúꞋ mbɔ́ mbɔ̌ Sɛ́, kɛ ŋ́ɡɔ́ ńcẅi Ŋkʉʉ ẅí ɛ́ fúnɛ mbɔ̌ Sɛ́ ɔɔ, ńdɔk yúu ḿbɔɔ tú yɛ́, mbɔ ɑ lɔk ńcɔŋ ndɛn-Kɛlístɔ ẅí ɑ ɡẅɛɛnɛ wɛ́.

1 Kɔlɛ̂ŋtɛ 12:28

Sɛ́ kɑ tsʉ́Ꞌ nɛniitɛ cúꞋlɛ yɛ́, ḿbiitɛ ńzɑ́p ɡɑŋntúu, ḿbɑ́ɑtɛ ńzɑ́p pɑcẅiŋkʉʉ pi pɔ́p fúnɛ mbɔ̌ wɛ́, ḿbɑ́ɑtɛ ńtík pɑzíꞋ pʉɔ nɛ́ nu-Sɛ́, pɛ́ fú nǔu pɔ́p ńjʉ́ɔ pʉɔ pinɛ ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ mɛnu mɑ̌ɑmɑɑnɛ, ḿbɑ́ɑtɛ ńjʉ́ɔ pʉɔ pi ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ ɡɑŋɡɔɔ fíitɛ, pɛ́ fú nǔu pɔ́p ńjʉ́ɔ pʉɔ pi yɔ́p pɔ́fɑꞋ ɛ́ nɛcẅɛ́lɛ pɛcɔ́ pʉɔ mbɑ pʉɔ pi pɔ́p niitɛ́nɛ cúꞋlɛ, tɛ mbɑ pʉɔ pi ɑ kɑ ɡɑ́nɛ fuꞋ níinɛ yɔ́p ɛ́ pɔ́ pɑ́Ꞌ pɔ́p ɡʉ ɛ́sẅíŋɛ mɛsẅíŋɛ mi pɔ́p ŋkɑɑ zíꞋ.

1 Kɔlɛ̂ŋtɛ 13:1

N dɑɑ ńjí nɛsẅíŋɛ mɛsẅíŋɛ mi pɛ́ sẅíŋɛ́nɛ tsɛt mɛŋɡɔŋ tsʉʉ tɛ mbɑ mi pɛcʉ̈ɔ́Ꞌ-Sɛ́ sẅíŋɛ́nɛ, lɑ́ ḿbɛn mbɔɔ kɔŋ ŋumɛsɔŋ pɔ́, mbɔ m bɑ́klɛ pɔ zʉꞋ pɑ́Ꞌ yúu tʉ́n yi pɛ́ púꞋnɛ, mbɑ pɑ́Ꞌ kẅǐꞌfɔɔ ẅí ɑ zɔtnɛ́nɛ lɑ́.

1 Kɔlɛ̂ŋtɛ 13:3

Ɛ́ lɑɑ ḿbɔ́ ŋ ɡɑptɛ yúu pɑ́ɑ tsʉʉ ŋ́ɡɑ́ mbɔ̌ pʉɔ pi nji sɛ́ ńzɑ́ŋ wɔ́p, mbɔ m bɛ́m ŋɡɔ pɛ́ tɔɔ wɑ́ɑ, lɑ́ ɛ́ ɡɔ́ ḿbɔ́ pɔ́Ꞌɔ, m bɔɔ ŋ́kɔŋ ŋumɛsɔŋ pɔ́, mbɔ ɛ́ kɛ́ cẅɛ́lɛ́ wɑ́ɑ nǔu yɛcɔ́ yúu pɔ́.

1 Kɔlɛ̂ŋtɛ 13:8

Ŋkɔŋɛ yi ŋumɛsɔŋ ɡẅɛɛnɛ nzʉʉ wɛcɔ́, ɡʉ ńdɑ́Ꞌ ḿbɔ́ pɔ ɡú. Lɑ́ ɛ́ ɡʉ nǔu pɑ́Ꞌ Sɛ́ ɡɑ́nɛ fuꞋ níinɛ-pʉɔ, pɔ́p cẅi Ŋkʉʉ ẅí ɛ́ fúnɛ mbɔ̌ yɛ́, ẅîwɑ́ nɛpɔ́ mɛ, nɛsẅíŋɛ mɛsẅíŋɛ mi pɛ́ ŋ́kɑɑ zíꞋ pɔ́ mɛ yɛ́, nɛjí yúu mi ɛ́ lʉɔmɛ́nɛ pɔɔ pɛn ḿbɔ́ ɡú pɔ́,

1 Kɔlɛ̂ŋtɛ 14:29

Ɛ́ ɡʉ nǔu nɛcẅi Ŋkʉʉ ẅí ɛ́ fúnɛ mbɔ̌ Sɛ́, pʉɔ pɛ́pɑ́ kɛ pɛtɑ́t ɔɔ, pɔ́ ńcú nu, pɛcɔ́ pʉɔ sɑ́ŋ nu ŋ́ɡɑ́ nǔu nu yi pɔ́p cúnɛ.

1 Kɔlɛ̂ŋtɛ 14:39

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ tsɑ́ɑ tɛꞋ nɛpɔ́ pɑcẅiŋkʉʉ pi pɔ́p fúnɛ mbɔ̌ Sɛ́ ḿbɛn ḿbɑ́ɑ nɛtɔꞋ pɛcɔ́ pʉɔ nɛsẅíŋɛ mɛsẅíŋɛ mi pɔ́p ŋkɑɑ mɔ́ zíꞋ pɔ́.

1 Kɔlɛ̂ŋtɛ 14:4

Ŋu ẅí ɑ sɛ́ ɛ́sẅíŋɛ mɛsẅíŋɛ mi pɛ́ kɑ́ jí, ɛ́ fú pɔ́Ꞌɔ, ńcẅɛ́lɛ́ túmbʉʉ yɛ́ nɛkẅiꞋ ńzɑ́p tʉ́m nǔu Sɛ́. Lɑ́ ɛ́ ɡʉ nǔu ŋu ẅí ɑ cẅinɛ Ŋkʉʉ ẅí ɛ́ fúnɛ mbɔ̌ Sɛ́, ɛ́ lɔk pɔ́Ꞌɔ, ńcẅɛ́lɛ cúꞋlɛ-pʉɔ-Kɛlístɔ tsʉʉ nɛkẅiꞋ ńzɑ́p tʉ́m nǔu Sɛ́.

1 Kɔlɛ̂ŋtɛ 15:51

Tsʉ́Ꞌnɛ ɛ sẅíi wʉ́ʉ nɛ́ yɛcɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, pɛkŋɛ pɛtsʉʉ kɛ́ lɑ́Ꞌ ńtɛmtɛ ḿpfú pɔ́, lɑ́ pɛkŋɛ pɛtsʉʉ ɡʉ ńdɑ́Ꞌ ńtɛmtɛ ɡẅɛɛ yɛcɔ́ mbʉʉ yi fí,

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

1 Kɔlɛ̂ŋtɛ 7:19

Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.

1 Kɔlɛ̂ŋtɛ 8:4

Ɛ́ kɛ́ ŋ́ɡʉ nǔu nu pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ pɛkŋɛ sɛ́ ńjí ŋɡɔ yɛcɔ́ yúu mi ɛ́ lɑɑ ḿbɔ́ pɛ́ ɡúꞋlɛ ŋɡɔ ɛ́ yɛcɔ́ sɛ́ kɑ́ pɔ́ ndǔmbí pɔ́. Pɛkŋɛ sɛ́ ńjí ŋɡɔ Sɛ́ pɔ́ pɔ wɛ́mɔ́Ꞌ.

2 Kɔlɛ̂ŋtɛ 12:11

Pʉʉ jʉ́ɔ pɑ́Ꞌ n tsʉ́Ꞌ ɛ́sẅíitɛ pɔ pɑ́Ꞌ pɑ́lɛ́ lɑ́, ɛ́ kɛ́ ɛ́fú pɔ mbɔ̌ pʉʉ, mbíꞋŋɡɔ pʉʉ kɑ ɡẅɛɛnɛ nɛɡɛ pɛ́ jí yɑɑ ntɛ́ nɛfɑꞋ. Tɛ mbɑ pɑ́Ꞌ mɔ tsɛtsɛt pʉʉ mbɔɔ nǔu yɛcɔ́ yúu kuꞋ. Pʉɔ pi pɔ́p tsɛtsɛt pʉʉ pɛ́ fúŋ nɛ́ kwɑꞋ ɡɑŋntúu lɑ́, pɔ́p kɑ́ ɡɛ yɛcɔ́ yúu tɛ ńdɔk ńdɛɛ wɑ́ɑ pɔ́.

Ŋɡɑlɑ̂t 5:16

Ŋ ɡʉ ńcú mbɔ̌ pʉʉ ŋɡɔ: Pʉʉ pɛ́m Zẅikŋɛ-Sɛ́ tsiinɛ wʉ́ʉ nǔu wʉ́ʉ nɛpɔ́, pɔ́Ꞌɔ pʉʉ pɔɔ ɡɛ mɛnu kɛpɔŋ mi mbʉʉ yʉ́ʉ tsʉ́ʉnɛ́nɛ wʉ́ʉ ŋɡɔ pʉʉ ɡɛ pɔ́.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Ŋɡɑlɑ̂t 6:3

Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.

Ɛ́fɛ̂zɛ 3:4

Pʉʉ ɡʉ fúŋ yɔ ŋwɑꞋnɛ ńzúꞋ ntɛ́ yi n dɔknɛ ńjí ntsɛm yi ɛ́ nǔu nu-Kɛlístɔ.

Ɛ́fɛ̂zɛ 6:19

Pʉʉ púꞋ mbɔ́ mbɔ̌ wɛ́ mbɑ nǔu yɑ́ɑ tú nɛpɔ́ yi ɑ ɡʉ ńníꞋ sẅiŋɛ ntsu mɔ, ŋɡɔ ɑ ɡɛ pɔ́Ꞌɔ, nɛpɔ́ yi n dɑɑ ŋíɛꞋ ntsu wɑ́ɑ ŋkɑ́ kʉ̈ɔ́ lɑ́, n cú nu kɛ́ pɔ́k, nɛpɔ́ yi pʉɔ ɡʉ ńjí nu yi Ŋkʉʉ Sʉ́Ꞌnɛ kɑ lɔknɛ ńtɔ́, mbɔ ɛ́ kɑ zɛɛ ḿbɔ́ yi lʉɔmɛ́nɛ.

Kɔlɔsíyɛ̂ŋ 1:26

Sẅiŋɛ ɛ̂yɑ́ ntsɛm yi ɑ kɑ lɑ́Ꞌnɛ ńdʉɔ mbɔ̌ pʉɔmɛsɔŋ mɛzuŋ mɛzuŋ tɛ fú ŋɡuꞋ. Ɛ́ kɛ́ ḿbɔ́ ŋkɔ̂ɔnɛ, mbɔ ɑ kíɛꞋ yîyɑ́ ntsɛm ńnyɛt mbɔ̌ pʉɔ pi pɔ́p pɛ́.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

1 Jɑ̂ŋ 4:8

Ŋu lɑɑ ḿbɔɔ ŋumɛsɔŋ kɔŋ, mbɔ ɑ pɛ́t kɛ́ jí Sɛ́, mbíꞋŋɡɔ Sɛ́ ɡẅɛɛ pɔ ŋkɔŋɛ.