11 Ɛ́ kɑ pɔ́ ŋkɑ́ yi ŋ kɑ pɛ́tnɛ mɔ́yúu mɔ́ɔ, ɛ sẅiŋɛ pɑ́Ꞌ mɔ́yúu mɔ́ɔ, ŋ́kwɑŋɛ nu pɑ́Ꞌ mɔ́yúu mɔ́ɔ, jínu yɑ́ɑ sɑ́ŋ nu pɑ́Ꞌ yɛ́ mɔ́yúu mɔ́ɔ. Ɛ́ ŋkɔ̂ɔnɛ n tsʉ́Ꞌ ḿbɔ́ pɔ ndʉ́m, ŋ kɑ́ pɛn ḿbɔ́ ŋ́ɡɛ mɛnu pɑ́Ꞌ mɔ́yúu mɔ́ɔ pɔ́.
Gɑŋku pɛ́ zúꞋ, ŋ́ɡɔ́ɔ ŋ́kɛ́ ḿbɔ́ ńcú tsɛtsɛt pɔ́p ŋɡɔ, líkcɔ́ ɑ cú pɑ́Ꞌɑ, mbíꞋŋɡɔ pɛkŋɛ lɑ́Ꞌ ńdikŋɛ kɛ́ pɛ́ɛ mbɛlɛ̂ɛt.
A ɡʉ ŋ́kɛ́ ńdɑ́Ꞌ ḿbɔ́ tɛ ńnyɛt wɛkŋɛ nɛ́ yúu tsʉʉ, mɔ́ɔmɔ jínu-ŋkɔ̂ɔnɛ mɛ.
Ɛ́ ŋkɔ̂ɔnɛ pɛkŋɛ sɛ́ ńjʉ́ɔ yúu ɛ́ tɑtɛ tɑtɛnɛ pɑꞋ ŋkɑ́ yi pɛkŋɛ jʉ́ɔ tsɛt ndɛn jʉ́ɔshʉ́ lɑ́. Ɛ́ ɡʉ ńdɑ́Ꞌ yɛcɔ́ ŋkɑ́ pɛkŋɛ ńtsuŋ ńjʉ́ɔ, ɛ́ pɔ́ mbi pɛkŋɛ. Nǔu ŋkɔ̂ɔnɛ ŋ kɑ́ jí yúu tsʉʉ pɔ́, lɑ́ ŋ ɡʉ ńdɑ́Ꞌ yɛcɔ́ ŋkɑ́ ńjí yúu nǔu ntɛ́ yi Sɛ́ sɛ́ ńjí wɑ́ɑ ŋkɔ̂ɔnɛ.
Pɔ́ɔpɛ́mɑ́ pɑ́ɑ, kɔɔ pʉʉ tsʉ́Ꞌ nɛsɑ́ŋ nu, ɛ́sɑ́ŋ pɑ́Ꞌ mbɔ́ŋkʉ̈ɔ́ lɑ́. Pʉʉ ɡʉ nǔu nu kɛpɔŋ ḿbɔ́ pɔ pɛɡɛɡʉʉ. Lɑ́ ŋ́ɡʉ nǔu nɛsɑ́ŋ nu, ńnyɛt ŋɡɔ pʉʉ tsʉklɛ.
Pʉʉ zúꞋ nu yi n dɔɔnɛ nɛcú. Ŋu ẅí pɛ́ kɑ nɑ́nɛ yúu mbɔ̌ wɛ́, ɑ pɛ́t pɔ́ mɔ́ɔ, ɑ lɑɑ ńdɑ́Ꞌ ḿbɛ́t kɛ́ pɔ́ ndʉ́m, mbɔ ɑ pɔ́ pɔ pɑ́Ꞌ ŋkwɑɑ lɑ́, tɛ mbɑ pɑ́Ꞌ yúu mi pɛ́ kɑ nɑ́nɛ, pɔ́ pɔ yɛ́.
