10 A ɡʉ ŋ́kɛ́ ńdɑ́Ꞌ ḿbɔ́ tɛ ńnyɛt wɛkŋɛ nɛ́ yúu tsʉʉ, mɔ́ɔmɔ jínu-ŋkɔ̂ɔnɛ mɛ.
Ɛ́ kɑ pɔ́ ŋkɑ́ yi ŋ kɑ pɛ́tnɛ mɔ́yúu mɔ́ɔ, ɛ sẅiŋɛ pɑ́Ꞌ mɔ́yúu mɔ́ɔ, ŋ́kwɑŋɛ nu pɑ́Ꞌ mɔ́yúu mɔ́ɔ, jínu yɑ́ɑ sɑ́ŋ nu pɑ́Ꞌ yɛ́ mɔ́yúu mɔ́ɔ. Ɛ́ ŋkɔ̂ɔnɛ n tsʉ́Ꞌ ḿbɔ́ pɔ ndʉ́m, ŋ kɑ́ pɛn ḿbɔ́ ŋ́ɡɛ mɛnu pɑ́Ꞌ mɔ́yúu mɔ́ɔ pɔ́.
Ɛ́ ŋkɔ̂ɔnɛ pɛkŋɛ sɛ́ ńjʉ́ɔ yúu ɛ́ tɑtɛ tɑtɛnɛ pɑꞋ ŋkɑ́ yi pɛkŋɛ jʉ́ɔ tsɛt ndɛn jʉ́ɔshʉ́ lɑ́. Ɛ́ ɡʉ ńdɑ́Ꞌ yɛcɔ́ ŋkɑ́ pɛkŋɛ ńtsuŋ ńjʉ́ɔ, ɛ́ pɔ́ mbi pɛkŋɛ. Nǔu ŋkɔ̂ɔnɛ ŋ kɑ́ jí yúu tsʉʉ pɔ́, lɑ́ ŋ ɡʉ ńdɑ́Ꞌ yɛcɔ́ ŋkɑ́ ńjí yúu nǔu ntɛ́ yi Sɛ́ sɛ́ ńjí wɑ́ɑ ŋkɔ̂ɔnɛ.
mbíꞋŋɡɔ pɛkŋɛ ŋkɔ̂ɔnɛ ńjí pɔ yɛcɔ́ ɡúŋ, Sɛ́ kɑ́ pɔ́ ńnyɛt wɛkŋɛ nɛ́ yúu tsʉʉ lɑ pɛkŋɛ cẅi Ŋkʉʉ ẅí ɛ́ fúnɛ mbɔ̌ wɛ́ pɔ́.
Ḿbɔ́ m bɔɔ cú ŋɡɔ ŋ ɡʉ mɔ́ tɛ ŋ́kúu pɔ́. Ḿbɔ́ m bɔɔ cú ŋɡɔ mɔ ndʉ́ŋndʉŋ pɔ́. M bɛ́t sɛ̂ndúŋ, ŋ́kʉɔ ndʉ́ɔlɛ́, ńtsɑ́ɑ nɛjʉ́ ndʉ́ɔlɛ́ ɛ̂yɑ́, mbíꞋŋɡɔ Yɛ́su Kɛlístɔ kɑ kɛ́mɔ́ ńtík pɔ́ nǔu mɔ.
