1 Kɔlɛ̂ŋtɛ 12:8 - Kɑɑ Fí

⁸ Ɛ́ pɔ́Ꞌɔ lɑ Zẅikŋɛ ɡɑ́ pɔ́fɑꞋ wɛcɔ́ ŋu, ɑ pɔ́ ŋ́ɡẅɛɛ shʉ́ nɛlɔk jínu ḿbʉ̈ɔt nu, wɛcɔ́ ɡẅɛɛ shʉ́ nɛpʉ̈ɔt nu nǔu ntɛ́ yi pɛ́ ɡʉ ńjí nu nɛ́nẅín, tɑ́Ꞌ zẅikŋɛ kɛ́nɛ ŋ́ɡɛ.

1 Kɔlɛ̂ŋtɛ 12:8 교차 참조

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

ŊwɑꞋnɛ-Gɑŋntúu Yɛ́su Kɛlístɔ 6:3

Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, pʉʉ ɡʉ tsɛtsɛt pʉʉ, ńdɔɔ pʉɔ sɑɑmbɑ́ pɑ́Ꞌ pɔ́p ɡʉ ḿbɔ́ ɛ́fɑꞋ yîyɑ́ fɑꞋ. Pʉʉ tsʉ́Ꞌ nɛtsɔ́Ꞌ, ńdíŋɛ pʉɔ pi tswɛ́ wɔp pɔŋnɛ. Pʉɔ pi Zẅikŋɛ-Sɛ́ kɑ jʉ́ mɔ tʉ́m yɔ́p. Pɔ́p pɛn ŋ́ɡẅɛɛ jínu. Pɛk ńníꞋ fɑꞋ-yúupɛ́jʉ́ mbɔ̌ pɔ́p,

Pʉɔ-Lɔ́mɑ 15:14

Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

1 Kɔlɛ̂ŋtɛ 1:5

Pɑ́Ꞌ pʉʉ pɛ́ Kɛlístɔ kɑ kɛ́mɔ́ ńtɛmtɛ lɑ́, Sɛ́ kɑ fú pɔ́Ꞌɔ, ŋ́ɡɑ́ pɔ́fɑꞋ tsʉʉ mbɔ̌ pʉʉ. A kɑ ɡɛ pʉʉ kuꞋ nɛsẅíi nu yɛ́, ḿbɛn ŋ́ɡɛ pʉʉ kuꞋ nɛjínu nɛ́nẅín.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 13:8

Ŋkɔŋɛ yi ŋumɛsɔŋ ɡẅɛɛnɛ nzʉʉ wɛcɔ́, ɡʉ ńdɑ́Ꞌ ḿbɔ́ pɔ ɡú. Lɑ́ ɛ́ ɡʉ nǔu pɑ́Ꞌ Sɛ́ ɡɑ́nɛ fuꞋ níinɛ-pʉɔ, pɔ́p cẅi Ŋkʉʉ ẅí ɛ́ fúnɛ mbɔ̌ yɛ́, ẅîwɑ́ nɛpɔ́ mɛ, nɛsẅíŋɛ mɛsẅíŋɛ mi pɛ́ ŋ́kɑɑ zíꞋ pɔ́ mɛ yɛ́, nɛjí yúu mi ɛ́ lʉɔmɛ́nɛ pɔɔ pɛn ḿbɔ́ ɡú pɔ́,

1 Kɔlɛ̂ŋtɛ 14:26

Pɔ́ɔpɛ́mɑ́ pɑ́ɑ pɑ́Ꞌ ɛ́ pɑ́Ꞌɑ lɑɑ pɛkŋɛ ɡɛ ŋɡɔ́ku? Pʉʉ lɑɑ ḿbɔ́ tɛ ńcúꞋlɛ, ŋu wʉʉ ɡẅɛɛ zɔp ŋki ɑ zɔp, ŋu ɡẅɛɛ yúu mi ɑ ɡʉ ńzíꞋ pɛcɔ́ pʉɔ, ɑ zíꞋ, ŋu ɡẅɛɛ yúu mi Sɛ́ sɛ́ ńnyɛt wɛ́, ɑ cú, ŋu ɡẅɛɛ nu yí ɑ ɡʉ ńcú nɛ́ sẅiŋɛ yi pɛ́ kɑ́ pɔ́ ńjí pɔ́ ɑ cú, ŋu ɡẅɛɛ nɛkyɛ́Ꞌtɛ ɑ kyɛ́Ꞌtɛ. Lɑ́ ɛ́ sɛ́ ḿbíkŋɛ ŋɡɔ mîmɑ́ mɛyúu tsʉʉ cẅɛ́lɛ́ nɛlɔk ŋ́ɡɛ cúꞋlɛ-pʉɔ-Kɛlístɔ tsʉʉ kẅiꞋ ńzɑ́p tʉ́m nǔu Sɛ́.

1 Kɔlɛ̂ŋtɛ 14:6

Pɔ́ɔpɛ́mɑ́ pɑ́ɑ, pɛkŋɛ cú ŋɡɔ m bɔ́ ńtɔ́ tɛ ŋ́kúu tsɛtsɛt pʉʉ, ńtsʉ́Ꞌ nɛcú nu mbɔ̌ pʉʉ, ńdɔk sẅiŋɛ yi pʉʉ kɑ́ pɔ́ ńjí pɔ́, mbɔ ɛ́ ɡʉ ńcẅɛ́lɛ́ wʉ́ʉ ŋɡɔ́ku? Mɔ nɛcẅɛ́lɛ wʉ́ʉ, ɑ pʉʉ nɛfú nǔu yúu mi n cúnɛ ńjí yúu mi Sɛ́ nyɛtnɛ wɑ́ɑ ɛ́ pɔ́ yɛ lʉɔmɛ́nɛ, mɔ ŋ́ɡɛ pʉʉ jínu nɛ́nẅín nǔu yɛcɔ́ nu. Pʉʉ pɛn ńdúꞋnɛ wɑ́ɑ, ńzúꞋ yɛcɔ́ Ŋkʉʉ ẅí ɛ́ fúnɛ mbɔ̌ Sɛ́. Mɔ fú nǔu nu yi n cúnɛ, ńzíꞋ wʉ́ʉ nɛ́ yɛcɔ́ nu.

1 Kɔlɛ̂ŋtɛ 2:11

Mbɔ wɔ̌ jí nu yi ŋumɛsɔŋ sɛ́ ŋ́kwɑŋɛ tʉ́m yɛ́ kɛ́ pɔ́ pɔ ŋɡɑŋ? Ɛ́ pɛn ḿbɔ́ ndʉ́ŋndʉŋ pɑ́Ꞌ wɛcɔ́ ŋu lɑɑ ḿbɔ́ ɑ pɔɔ jí nu yi Sɛ́ sɛ́ ŋ́kwɑŋɛ kɛ́ pɔ́ pɔ Zẅikŋɛ-Sɛ́ pɔ́.

1 Kɔlɛ̂ŋtɛ 2:16

Ɛ́ lɔk ḿbuutɛ nǔu pɑ́Ꞌ ŋwɑꞋnɛ-Sɛ́ cúnɛ ŋɡɔ: «Wɔ̌ jí yúu mi Tsɑpʉɔ ndɑ́ ŋ́kwɑŋɛ? Mbɔ wɔ̌ ɡɑ́ wɛ́ nɛ́ ntík?» Lɑ́ ɛ́ kɛ́ ŋ́ɡʉ nǔu pɛkŋɛ, mbɔ Kɛlístɔ lɑɑ ḿbɔ́ ŋ́kwɑŋɛ pɔ kʉ̈ɔ́ lɑ́, mbɔ pɛkŋɛ ńjí.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 11:6

Líkcɔ́ ɛ́ nɛ́nẅín ŋɡɔ ḿmʉꞋ mʉꞋnɛ lɑ́, ŋ́ɡʉ nǔu nɛjí nu-Sɛ́, yɛcɔ́ lɔ́Ꞌ kɑ́ cẅɛt. Pɛk kɑ nyɛt mɔ́ yîyɑ́ luk mbɔ̌ pʉʉ nǔu mɛntɛ́ tɛ ńzɑ́ɑ, ŋɡɔŋ ŋkɑ́ tsʉʉ yi ɛ́ kɑ ɡɑ́nɛ shʉ́.

2 Kɔlɛ̂ŋtɛ 2:14

Lɑ́, pɛk ɡʉ ŋ́kɛ́ ŋ́ɡɑ́ pɔ pɑ́Ꞌlɑ́ mbɔ̌ Sɛ́, mbíꞋŋɡɔ pɛk lɑɑ ḿbɔ́ pɔ ɡɔ́ lɑ́, mbɔ ɑ ɡʉ ŋ́ɡɛ pɛk pɔ́ pɔ nǔu mɑ́nzɔŋ-Kɛlístɔ, mbɔ jʉ́ Kɛlístɔ jʉ́ ntsɔ. Jʉ́ Sɛ́ lɔk wɛ́k ŋ́ɡɛ pɛ́ jí Kɛlístɔ zʉꞋ tsʉʉ, pɑ́Ꞌ yúu mi pɛ́ tɔɔnɛ, jɑ́k kɔ́Ꞌ ɛ́sɑt zʉꞋ tsʉʉ lɑ́.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

2 Kɔlɛ̂ŋtɛ 8:7

Ɛ́ tʉ́ʉ nǔu kʉ̈ɔ́lɑ́ pʉʉ ɡɑ́nɛ fʉꞋ sʉ́Ꞌnɛ, pʉʉ zɑ́p tʉ́m nǔu Sɛ́ sʉ́Ꞌnɛ, ńjí nɛcú nu ɛ́ cẅɛt, ńjí nu-Sɛ́ kwɑꞋ sʉ́Ꞌnɛ, ńzɑŋɛ mbʉʉ ŋɡɔŋ ŋkɑ́ tsʉʉ, ŋ́ɡẅɛɛ ŋkɔŋɛ nzʉʉ pɛk, pɔ́Ꞌɔ lɑ́ pʉʉ pɛn ńnyɛt fʉꞋ sʉ́Ꞌnɛ nǔu yɔ fɑꞋ-pɔŋtʉ́m.