1 Kɔlɛ̂ŋtɛ 12:16 - Kɑɑ Fí

¹⁶ Nɛtúutɛ lɑɑ ḿbɔ́ pɛ́Ꞌnɛ ńcú ŋɡɔ pɑ́Ꞌ ɑ kɑ́ pɔ́ lík pɔ́ lɑ́, ɑ kɑ́ pɔ́ ńdɔk ńtɛmtɛ nǔu mbɑp-mbʉʉ pɔ́, mbɔ ɑ kɑ́ cú pɔ́Ꞌɔ, ńdɔk ńnɑ́ kɛ́ pɔ́ pɔ nǔu mbɑp-mbʉʉ pɔ́.

1 Kɔlɛ̂ŋtɛ 12:16 교차 참조

Pʉɔ-Lɔ́mɑ 12:10

Pʉʉ lɔk pɑ́Ꞌ pʉʉ pɔ́ɔpɛ́mɑ́, ŋ́kɔŋɛ pʉʉ nɛ́ pʉʉ, ŋu wʉʉ piitɛ ŋ́ɡɑ́ mɛkuꞋ mɔ́ɔmɑ́ wɛ.

Pʉɔ-Lɔ́mɑ 12:3

Ŋ ɡʉ ɛ́fú nǔu pɑ́Ꞌ Sɛ́ kɑ tsʉ́Ꞌ nɛɡɑ́ fuꞋ níinɛ yɑ́ɑ, ńtík wɑ́ɑ nǔu zʉꞋ ɡwɛ́, ńcú mbɔ̌ mbɑ wɔ̌ lɑ́ tsɛtsɛt pʉʉ ŋɡɔ: Kɔɔ ŋu kwɑŋɛ ŋɡɔ ɑ yúu kɛ́ pɔ́ yi ɑ yɛ́tɛ́. Ŋu ɡẅɛɛ yi kwɑŋɛ ɛ́ kuꞋ kuꞋnɛ. Ŋu kúꞋlɛ pɔ yɛ́ fɑꞋ yi Sɛ́ kɑ ɡɑ́nɛ, ŋ́ɡɔ́ ŋ́ɡɑ́, ɛ́fú nǔu pɑ́Ꞌ ɑ zɑ́pnɛ tʉ́m nǔu Kɛlístɔ.

1 Kɔlɛ̂ŋtɛ 12:15

Ku lɑɑ ḿbɔ́ pɛ́Ꞌnɛ ńcú ŋɡɔ pɑ́Ꞌ ɑ pɔ́ pɔ́ lɑ́, mbɔ ɑ kɑ́ pɔ́ ńdɔk ńdɑtnɛ nǔu mbɑp-mbʉʉ pɔ́, ɑ lɑɑ ŋ́kɛ́ ńcú pɔ́Ꞌɔ, mbɔ ɛ́ kɑ́ lɔk ḿbɔ́ pɔ ŋɡɔ ɑ kɑ́ pɛ́t nǔu mbɑp-mbʉʉ pɔ́ pɔ́.

1 Kɔlɛ̂ŋtɛ 12:17

Mbɑp-mbʉʉ tsʉʉ kɑ pɔ́ pɛ́Ꞌnɛ ḿbɔ́ pɔ ndɑꞋ lík, mbɔ ɛ́ lɑɑ ḿbɔ́ pɛ́ lɔk kʉ̈ɔ́ ńzúꞋ nu? Ɛ́ kɑ pɔ́ pɛ́Ꞌnɛ ḿbɔ́ pɔ ndɑꞋ nɛtúutɛ, mbɔ ɛ́ lɑɑ ḿbɔ́ pɛ́ lɔk kʉ̈ɔ́ ńzúꞋ jɑ́k-yúu?

1 Kɔlɛ̂ŋtɛ 12:22

Tɛ ńtsʉ́Ꞌ pɔ́Ꞌɔ, mbɔ mɛzʉꞋ-mbʉʉ mí pɛ́ kwɑŋɛ́nɛ ŋɡɔ ɛ́ mɛtʉʉ kɑ́ ɡẅɛɛ, kɛ cẅɛ́lɛ́ cẅɛ́lɛ́nɛ ɡúu.

Filipɛ 2:3

Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́.