6 Mɑŋɡɛ́ ẅi ɑ kɑ́ lɔk yúu ḿbɔɔ tú yɛ́ pɔ́, ɑ zii. Lɑ́ pɑꞋ ɛ́ mbɔ̌ mɑŋɡɛ́ ḿbɔ́ nu sʉ́ʉ pɑ́Ꞌ ḿbɔ́ tú yɛ́ pɔ́ yi ziinɛ kɛ yɛ́ kɔ́ɔnɛ ɔɔ lɑ́, ɑ pɔɔ tú yɛ́.
Pɔ̂l nɑ́Ꞌ ḿbɛn ńzɛ ńnɑ́ŋ Kɔlɛ̂ŋntɛ. Lɑ́ ńdɛɛmɛ pɔ́ɔpɛ́mɑ́, ŋ́ɡʉ Sɛnkɛ́lɛ́ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ. Pɔ̂l pɔ́p Pɛlɛsîl ŋ́ɡɛ Akilɑs ɡʉnɛ. Pɔ̂l ɡɔ́ ŋ́kúu kɑnúꞋ, ŋ́kɔ́ɔ tú yɛ́ ńdɔk ńcú ŋɡɔ ɑ ɡɛ yúu mi ɑ kɑ kɑꞋnɛ mbɔ̌ Sɛ́ tɛ ńdẅiklɛ.
Lɑ́ mɑŋɡɛ́ ẅi ɑ ɡɔ́ ḿbúꞋ mbɔ́ mbɔ̌ Sɛ́, kɛ ŋ́ɡɔ́ ńcẅi Ŋkʉʉ ẅí ɛ́ fúnɛ mbɔ̌ Sɛ́ ɔɔ, mbɔɔ lɔk yúu ḿbɔɔ tú yɛ́ pɔ́, ɑ lɔk pɔ́Ꞌɔ, ńcɔŋ ndwɛn ndúu mɛ ẅi ɑ ɡẅɛɛnɛ wɛ́, ɑ tʉ́ʉ ŋkɑ́ yîyɑ́ pɔ́Ꞌɔ ḿbɔ́ mɑŋɡɛ́ ẅi pɛ́ ziinɛ tú yɛ́ lɑ́.
Ɛ́ ɡʉ nǔu ŋu mbɛ́ɛnɛ, ɑ pɔɔ ɡẅɛɛ nɛɡɔ́ ńcɛꞋlɛ Sɛ́, ḿbɔɔ tú yɛ́ pɔ́, mbíꞋŋɡɔ ɑ fí Sɛ́. Pɛ́ líŋɛ wɛ́ ńjʉ́ɔ nɛɡúꞋ-Sɛ́. Lɑ́ ŋ́ɡʉ nǔu mɑŋɡɛ́, mbɔ pɛ́ líŋɛ wɛ́ ńjʉ́ɔ pɔ nɛɡúꞋ-ŋu mbɛ́ɛnɛ,
