1 Kɔlɛ̂ŋtɛ 11:25 - Kɑɑ Fí

²⁵ Pɔ́p jʉ́ yúu tɛ ḿbɔ́tnɛ ńnɑ́ŋ, ɑ pɛn ńtíi ntúꞋ ńcú ŋɡɔ: «NtúꞋ yɔ pɑ́Ꞌɑ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Pʉʉ tsʉ́Ꞌ ḿbɔ́ ŋ́ɡɛ pɑ́Ꞌɑ, ńdɔk ŋ́kẅíitɛ wɑ́ɑ ŋkɑ́ tsʉʉ yi pʉʉ ɡʉ ŋ́ɡɛ ḿbɔ́ ńnɔ́.»

1 Kɔlɛ̂ŋtɛ 11:25 교차 참조

Lúkɑ́shi 22:20

Pɔ́p kɑ kwɛ́t yúujʉ́ tɛ ḿmɛk, Yɛ́su tíi ntúꞋ mɛluꞋ ńcú ŋɡɔ: «NtúꞋ yɔ pɑꞋnɛ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Ɛ́ tswɛtnɛ ntɛ́ wʉ́ʉ.»

1 Kɔlɛ̂ŋtɛ 10:16

Pɛkŋɛ sɛ́ ńnɔ́ ntúꞋ-mɛluꞋ yí pɛkŋɛ ɡɑ́nɛ pɑ́Ꞌlɑ́ mbɔ̌ Sɛ́ nǔu, pɛkŋɛ kɑ́ pɔ́ ńdɔk pɔ́Ꞌɔ, ńtɛmtɛ nǔu mɛci-Kɛlístɔ pɔɔ? Mbɛlɛ̂ɛt yí pɛkŋɛ pʉ̈ɔ́Ꞌtɛ́nɛ ŋ́ɡɑp, kɑ́ pɔ́ ńtɛmtɛ wɛkŋɛ nǔu mbɑp-mbʉʉ-Kɛlístɔ pɔ́ ɔɔ?

1 Kɔlɛ̂ŋtɛ 11:24

ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌ ńcú ŋɡɔ: Yɔ mbɑp-mbʉʉ yɑɑ yi pɛ́ ŋ́ɡɑ́ nǔu tú yʉ́ʉ. Pʉʉ tsʉ́Ꞌ ḿbɔ́ ŋ́ɡɛ pɑ́Ꞌɑ ńdɔk ŋ́kẅíitɛ wɑ́ɑ».

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.