23 Ŋ kɑ kɛ́ ńzíꞋ wʉ́ʉ nɛ́ yúu mi ŋ kɑ zúꞋnɛ mbɔ̌ Tsɑpʉɔ, ɛ́ pɔ́ ŋɡɔ: «Ɛ́ kɑ pɔ́ nɛtúꞋ ẅi pɛ́ kɑ fɛnnɛ Tsɑpʉɔ Yɛ́su, ɑ́ pɛ́ɛ mbɛlɛ̂ɛt,
Ɛ́ ɡɛ ḿbɔ́ nduŋmbi lɛ́Ꞌlɑ́Ꞌ nǔu ŋɡɑp yí pɛ́ ḿbɔ́ ŋ́kwɛ́t mbɛlɛ̂ɛt kɛ́ fɛntɛ, ńdɔk ńjʉ́ ndínɑ-Pɑ́skɑ, ɡɑŋku-Yɛ́su tɔ́ ḿbíkŋɛ wɛ́ ŋɡɔ: «Ɔ kɔŋ ŋɡɔ pɛk ɡʉ ɡɔ́, ńniitɛ yúujʉ́-Pɑ́skɑ zúꞋu?»
«Pʉʉ zɛɛ ḿbɔ́ ńjí ŋɡɔ, ɛ́ tsʉ́Ꞌ ńjɑ́k pɔ lɛ́Ꞌ pɛ́pɑ́ pɛ́ jʉ́ ndínɑ-Pɑ́skɑ. Ŋkɑ́ yi pɛ́ ɡʉ ɛ́fɛn Mɔ́ɔ-Ŋu, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.»
Yɛ́su pʉ̈ɔt mbɔ̌ wɛ́ ŋɡɔ: «Lɑ́ ŋ kɛ́ ɛ́sẅíi wú, kwɑꞋ nɛ́nẅín, mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ nɛtúꞋ lɔ́Ꞌnɛ, mbɔ ɔ muŋɛ wɑ́ɑ ŋkɑ́ yɛ́tɑ́t.»
ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.
A kɑ sẅíi wɔ́p pɔ́Ꞌɔ, ŋ́ɡɔ́ɔ ŋ́kɛ́ ńtíi ntúꞋ mɛluꞋ, ŋ́ɡɑ́ pɑ́Ꞌlɑ́ mbɔ̌ Sɛ́, ńcú mbɔ̌ pɔ́p ŋɡɔ: «Pʉʉ kɔ ntúꞋ yɔ ńnɔ́ tɛ ḿmɛk wʉ́ʉ.
Ɛ́ pɔ́ nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, pɛk cúꞋlɛ zúꞋu nɛjʉ́ yúu pɛjʉ́-Tsɑpʉɔ. Njí pɔ́ ŋ́ɡʉ kiɛ Pɔ̂l ɡʉ. A pɔ́ ɛ́sẅíi nu-Sɛ́ mbɔ̌ pɔ́ɔpɛ́mɑ́, ŋ́kɛ́ ɛ́sẅíi wɔ́p sẅíinɛ tɛ ŋ́kúu tʉʉtúꞋ.
Pɛkŋɛ sɛ́ ńnɔ́ ntúꞋ-mɛluꞋ yí pɛkŋɛ ɡɑ́nɛ pɑ́Ꞌlɑ́ mbɔ̌ Sɛ́ nǔu, pɛkŋɛ kɑ́ pɔ́ ńdɔk pɔ́Ꞌɔ, ńtɛmtɛ nǔu mɛci-Kɛlístɔ pɔɔ? Mbɛlɛ̂ɛt yí pɛkŋɛ pʉ̈ɔ́Ꞌtɛ́nɛ ŋ́ɡɑp, kɑ́ pɔ́ ńtɛmtɛ wɛkŋɛ nǔu mbɑp-mbʉʉ-Kɛlístɔ pɔ́ ɔɔ?
N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.
Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ pʉɔmɛsɔŋ ŋ́kɑɑnɛ wɑ́ɑ tsɔ́Ꞌ, wɛcɔ́ ŋumɛsɔŋ kɛ́ mbɔɔ wɑ́ɑ túu. Yɛ́su Kɛlístɔ pɔ́p Sɛ́ tɑ́t kɑ túunɛ wɑ́ɑ. Jʉ́ tɑ́t kɑ ɡɛnɛ lɑ Yɛ́su zẅíimɛ nǔu nɛvú.
Kɔɔ pʉʉ likŋɛ ŋɡɔ Tsɑpʉɔ-Kɛlístɔ ɡʉnɛ ńdɑ́Ꞌ ńtsɔ́Ꞌ fɑꞋ yʉ́ʉ, ŋ́ɡʉ nǔu yúu pɛ́, ŋ́ɡɑ́ yʉ́ʉ, mbíꞋŋɡɔ jʉ́ pɔ́nɛ kwɑꞋ ŋu ẅí pʉʉ fɑꞋnɛ mbɔ̌ wɛ́.
Pʉʉ zɛɛ ḿbɔ́ ńjí yúu mi pɛk kɑ lɔknɛ lík-Tsɑpʉɔ Yɛ́su ńcú ŋɡɔ pʉʉ ɡɛ.
