1 Kɔlɛ̂ŋtɛ 11:16 - Kɑɑ Fí

¹⁶ Ŋu lɑɑ ŋ́kɛ́ ńjʉ́ɔ ŋɡɔ ɑ ɡʉ ńzɔŋ nu ŋ́ɡɑ́ nǔu yɔ nu, mbɔ pɛk kɑ́ ɡẅɛɛ mɑt wɛ ndɛꞋ pɔ́. MɛcúꞋlɛ-pʉɔ-Sɛ́ kɛ́ mbɔɔ ɡẅɛɛ mɑt wɛ ndɛꞋ pɔ́.

1 Kɔlɛ̂ŋtɛ 11:16 교차 참조

ŊwɑꞋnɛ-Gɑŋntúu Yɛ́su Kɛlístɔ 21:21

Lɑ́ pɔ́p kɑ pɔ́ ńzúꞋ pɛ́ cú nǔu ɡu ŋɡɔ. Ɔ sɛ́ ńzíꞋ mbɔ̌ pɑyúdɑ pi pɔ́p túu nɛ́ túu ŋɡɔ pɔ́p mɛꞋ nɛpʉ́ʉ-Mɔ̌sɛ̂ɛ. Ŋɡɔ ɔ sɛ́ ńcú ŋɡɔ kɔɔ pɔ́p pɛn ḿbúꞋ mbɔ́ŋkʉ̈ɔ́ pɔ́p. Ŋɡɔ ɔ sɛ́ ńtɔꞋ wɔ́p nɛpɛn ńnɛn nǔu pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ.

ŊwɑꞋnɛ-Gɑŋntúu Yɛ́su Kɛlístɔ 21:24

Lɔk wɔ́p ŋ́ɡʉ, pʉʉ pɛpɔ́p ḿbʉʉtɛ mbʉʉ yʉʉ mbi Sɛ́. Gu ńzɛɛnɛ ŋ́kɛ́ ŋ́ɡɑ́ yɔ́p ŋkɑ́p yi pɔ́p ɡẅɛɛ nɛɡɑ́ nǔu, ńjí ŋɡɔ pɔ́p ɡʉ ŋ́kɔ́ɔ tú yɔ́p. Ɔ lɑɑ ŋ́ɡɛ pɔ́Ꞌɔ, mbɔ pʉɔ pɛtsʉʉ ɡʉ ńjʉ́ɔ ŋɡɔ nu yi pɛ́ pɛ́ɛtɛ́nɛ nǔu ɡu ɛ́ kɑ́ pɔ́ nu pɔ́, ńjí ŋɡɔ ɔ kɛ́ ŋ́kúꞋlɛ nɛpʉ́ʉ-Mɔ̌sɛ̂ɛ kúꞋlɛ́nɛ.

1 Kɔlɛ̂ŋtɛ 11:15

Lɑ́ ɛ́ ḿbɔ́ nɛɡúꞋ mbɔ̌ mɑŋɡɛ́ nɛtsɑ́p. Mbɑ pɔ́Ꞌɔ, mɛnuk-tú mbɔ̌ mɑŋɡɛ́ ḿbɔ́ nɛlɔk ḿbɔɔ tú yɛ́.

1 Kɔlɛ̂ŋtɛ 16:1

Ɛ́ ɡʉ nǔu nu-ntsup yi pɛ́ sɛ́ ńcúꞋlɛ nɛɡɑ́ mbɔ̌ pʉɔ-Kɛlístɔ pi pɔ́p Yɛlúsɑlɛm, pʉʉ ɡúu ɡɛ pɑ́Ꞌ ŋ kɑ cúnɛ mbɔ̌ mɛcúꞋlɛ mi ɛ́ Ŋɡɑlɑ̂t lɑ́.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

1 Kɔlɛ̂ŋtɛ 7:17

Lɑ́ ŋ́ɡʉ nǔu mɔnɛ mɛnu tsʉʉ, mbɔ ɛ́ pɔŋ ŋɡɔ mbɑ wɔ̌ lɑ́ pɔ́ pɔ nǔu zʉꞋ yi Sɛ́ kɑ zɑ́pnɛ ŋɡɔ ɑ pɔ́ zúꞋu, ńnɑ́ŋ nǔu zʉꞋ yi Sɛ́ kɑ ɡɔ́ ɛ́fúŋ wɛ́ ɑ nɑ́ŋ zúꞋu. Ɛ́ yúu mi mɔ sɛ́ ńcú tsɛt mɛcúꞋlɛ-pʉɔ-Kɛlístɔ tsʉʉ ŋɡɔ pɛ́ ɡɛ.

1 Kɔlɛ̂ŋtɛ 9:1

Mɔ pɑ́Ꞌɑ mbɔ m bɔɔ ɡɛ yúu nǔu ntɛ́ yi mɔ sɛ́ ńjí pɔ́ kíi? Ŋ kɑ́ pɔ́ ŋɡɑŋntúu-Yɛ́su pɔ́ ɔɔ? Mɔ ŋkɑɑ jʉ́ɔ yɑ́ɑ Tsɑpʉɔ wɛkŋɛ Yɛ́su pɔ́ ɔɔ? Pʉʉ ŋkɑɑ ɡɔ́ ńjí Tsɑpʉɔ, ɛ́fú pɔ nǔu fɑꞋ yi ɛ fɑꞋnɛ mbɔ̌ wɛ́ pɔ́ ɔɔ?

1 Kɔlɛ̂ŋtɛ 9:6

Kɛ ɛ́ pɔ́ pɔ ŋɡɔ pɛk Pɑnɛpɑ́ɑshi zɛ́nɛ pɛk ɡẅɛɛnɛ nɛlɔɔ lɑ ńjʉ́ ɔɔ?

1 Tɛsɑlɔník 2:14

Pɔ́ɔpɛ́mɑ́, ŋɡʉ̈ɔ́Ꞌ yi ɛ́ kɑ kúunɛ pʉɔ-Kɛlístɔ Judɛ̂ pi pɔ́p kɑ zɑ́pnɛ tʉ́m nǔu Kɛlístɔ, ńcúꞋlɛ ńtsʉ́Ꞌ pʉɔ-Sɛ́, kɑ kúu wʉ́ʉ ɡúu. N cú mbíꞋŋɡɔ pʉɔ lɑ́Ꞌ pʉ́ʉ kɑ nyɛt wʉ́ʉ nɛ́ ŋɡʉ̈ɔ́Ꞌ, ɛ́ pɔ́ pɑ́Ꞌ pɑyúdɑ, pʉɔ-lɑ́Ꞌ pɔ́p ɡúu, kɑ nyɛtnɛ wɔ́p nɛ́ ŋɡʉ̈ɔ́Ꞌ.