1 Kɔlɛ̂ŋtɛ 10:19 - Kɑɑ Fí

¹⁹ N dɔk pɑ́Ꞌɑ ńcú ŋɡɔ kʉ̈ɔ́ nǔu mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́? Mbɑp ɛ̂yɑ́ zɛɛ ɛ́fɑꞋ yɛcɔ́ fɑꞋ? Mɛsɛ́ ɛ̂mɑ́ zɛɛ ḿbɔ́ ɡú?

1 Kɔlɛ̂ŋtɛ 10:19 교차 참조

ŊwɑꞋnɛ-Gɑŋntúu Yɛ́su Kɛlístɔ 19:26

Lɑ́, pʉʉ sɛ́ ńjʉ́ɔ yʉ́ʉ ḿbɛn ḿbɔ́ ńzúꞋ yúu mi ŋu wɔ ẅí pɛ́ fúŋnɛ ŋɡɔ Pɔ̂l sɛ́ ńcú. A sɛ́ ɛ́sẅíi pʉɔ ŋɡɔ mɛsɛ́ mi pɛ́ lɔknɛ pɔ mbɔ́ ńniitɛ kɑ́ pɔ́ Sɛ́ pɔ́. A cú pɔ́Ꞌɔ, tɛ nɛzɑ́ɑ pʉɔ zɑꞋnɛ pɛ́m. Ɛ́ kɑ́ pɔ́ pɔ ndɑꞋ Ɛ́fɛ̂zɛ pɔ́. Ɛ́ tsʉ́Ꞌ pɔ mɔ́zʉꞋ ɛ́ pɔ́ pɔ pɑk-ŋɡɔŋ-Azîi tsʉʉ tsʉʉ.

1 Kɔlɛ̂ŋtɛ 1:28

Sɛ́ kɑ tsɔ́Ꞌ yúu mi ɛ́ ndǔmbí ŋ́kɛ́ mbɔɔ yɛcɔ́ yúu kuꞋ, ŋ́kʉ̈ɔ́k ŋ́kʉ̈ɔ́knɛ, pɛ́ ɡwɑ́k ɡwɑ́knɛ, ńdɔk ńcɔŋ ndɛn yúu mi pɛ́ kwɑŋɛ́nɛ ŋɡɔ ɛ́ yúu tɛꞋ.

1 Kɔlɛ̂ŋtɛ 10:14

Ɛ́ ɡʉ nǔu mɛnu mɔnɛ tsʉʉ, mbɑ̌ɑ pɛsúu pɑ́ɑ pɛ́ tʉʉndɛn, kɔɔ pʉʉ ɡẅɛɛ yɛcɔ́ nu nǔu nɛɡúꞋlɛ yúu mi pɛ́ ɡúꞋlɛnɛ ŋɡɔ ɛ́ mɛsɛ́.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 3:7

Ɛ́ pɔ́ pɔ́Ꞌɔ, ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki pɔɔ lɔk ḿbɔ́ yɛcɔ́ yúu pɔ́. Sɛ́ ẅí ɑ ɡɛnɛ ɛ́ ɡúꞋ ɡẅɛɛnɛ nu tsʉʉ.

1 Kɔlɛ̂ŋtɛ 8:4

Ɛ́ kɛ́ ŋ́ɡʉ nǔu nu pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ pɛkŋɛ sɛ́ ńjí ŋɡɔ yɛcɔ́ yúu mi ɛ́ lɑɑ ḿbɔ́ pɛ́ ɡúꞋlɛ ŋɡɔ ɛ́ yɛcɔ́ sɛ́ kɑ́ pɔ́ ndǔmbí pɔ́. Pɛkŋɛ sɛ́ ńjí ŋɡɔ Sɛ́ pɔ́ pɔ wɛ́mɔ́Ꞌ.

2 Kɔlɛ̂ŋtɛ 12:11

Pʉʉ jʉ́ɔ pɑ́Ꞌ n tsʉ́Ꞌ ɛ́sẅíitɛ pɔ pɑ́Ꞌ pɑ́lɛ́ lɑ́, ɛ́ kɛ́ ɛ́fú pɔ mbɔ̌ pʉʉ, mbíꞋŋɡɔ pʉʉ kɑ ɡẅɛɛnɛ nɛɡɛ pɛ́ jí yɑɑ ntɛ́ nɛfɑꞋ. Tɛ mbɑ pɑ́Ꞌ mɔ tsɛtsɛt pʉʉ mbɔɔ nǔu yɛcɔ́ yúu kuꞋ. Pʉɔ pi pɔ́p tsɛtsɛt pʉʉ pɛ́ fúŋ nɛ́ kwɑꞋ ɡɑŋntúu lɑ́, pɔ́p kɑ́ ɡɛ yɛcɔ́ yúu tɛ ńdɔk ńdɛɛ wɑ́ɑ pɔ́.