1 Kɔlɛ̂ŋtɛ 10:11 - Kɑɑ Fí

¹¹ Mɔnɛ mɛnu kɑ ɡɛ wɔ́p pɑ́Ꞌɑ ńdɔk ńnyɛt fʉꞋ-nu. Pɛ́ kɑ pɛn ŋ́ŋwɑꞋnɛ pɑ́Ꞌ pɛkŋɛ pi pɛkŋɛ tsʉ́Ꞌ ḿbɔ́ pɔ nǔu ŋkɑ́ nɛlẅiklɛ lɑɑ ɡʉ ɛ́fú nǔu ńjínu.

1 Kɔlɛ̂ŋtɛ 10:11 교차 참조

Mɑtʉ̈ɔ 13:39

Ŋɡɑŋmbuu ẅí ɑ pinɛ mbiyúu kɛpɔŋ, pɔ́ Sɑ́ttɑ ɛ̂wɑ́. Nɛlɔk yúu pɔ́ ndẅiknzʉʉ lɛ́Ꞌmbí, ɡɑŋfɑꞋ pɔ́ pɛcʉ̈ɔ́Ꞌ-Sɛ́.

Mɑtʉ̈ɔ 13:40

Ndʉ́ŋndʉŋ pɑ́Ꞌ pɛ́ tsɔ́Ꞌnɛ yúu kɛpɔŋ ńtɔɔ múk lɑ́, ɛ́ ɡʉ ńdɑ́Ꞌ ḿbɛn ḿbɔ́ pɔ pɔ́Ꞌɔ, nǔu ndẅiknzʉʉ lɛ́Ꞌlɑ́Ꞌ.

Pʉɔ-Lɔ́mɑ 13:11

Pʉʉ sɑ́Ꞌ tʉʉ, ŋ́ɡɛ mîmɑ́ mɛnu mbíꞋŋɡɔ pʉʉ sɛ́ ńjí kɛm njí yi pɛkŋɛ nǔu. Yɔ ŋkɑ́ yi ɛ́ píkŋɛ́nɛ ŋɡɔ pʉʉ jʉɔmɛ. MbíꞋŋɡɔ ɛ́ ŋkɔ̂ɔnɛ, mbɔ ŋkɑ́ yi Sɛ́ ɡʉ ŋ́ɡɛ pɛkŋɛ luk, ɛ́ pɑ́ɑtɛ mɔ́, ńdɛɛ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́t ńzɛ nɛzɑ́p tʉ́m nǔu Sɛ́.

Pʉɔ-Lɔ́mɑ 13:12

ZɑꞋ tsuŋ mɔ́ ńdɛɛ, njí pɔ́ mɔ́ ŋ́kiɛ. Pɔ́Ꞌɔ lɑ́, pɛkŋɛ mɛꞋ mɛfɑꞋ mi pɛ́ fɑꞋnɛ pɔ tsɛt nzɛ́nzʉ́ʉ, pɛkŋɛ tíi yúu-ntsɔ yi ɛ́ tʉ́ʉnɛ nǔu zʉꞋ kyɛꞌ, ńdɔk ńdʉ̈ɔ́Ꞌ ntsɔ.

Pʉɔ-Lɔ́mɑ 15:4

Ɛ́ zɛɛ ŋ́ɡɔ ḿbɔ́, mbɔ mbɑ kʉ̈ɔ́ lɑ́ yi pɛ́ kɑ lɑ́Ꞌnɛ ńzɑ́Ꞌ njí ŋ́ŋwɑꞋnɛ tsɛt ŋwɑꞋnɛ-Sɛ́, pɛ́ kɑ pɔ́ ŋ́ŋwɑꞋnɛ pɔ nɛlɔk ńnɑ́ŋ ńzíꞋ wɛkŋɛ nɛ́ yúu, nɛpɔ́ yi ɛ́ ɡʉ ńdɔk pɑ́Ꞌ ɛ́ sɛ́ ńníꞋ mɛtʉʉ mɛkŋɛ, ḿbɛn ḿbɔ́ ŋ́ɡɛ ŋɡɔ kɔɔ pɛkŋɛ kɑ́ɑ, pɛkŋɛ jí ŋɡɔ pɛkŋɛ ɡẅɛɛ yúu mi Sɛ́ kɑ kɑꞋnɛ mbɔ̌ pɛkŋɛ.

Pʉɔ-Lɔ́mɑ 4:23

Lɑ́ pɛ́ kɑ́ pɔ́ ɛ́sɑ́ŋ pɔ ndɑꞋ wɛ́ zɛ́nɛ jʉ́ lɑ ŋ́ŋwɑꞋnɛ ŋɡɔ: «Sɛ́ ŋkɑɑ líŋɛ wɛ́, ɑ pɔ́ ndʉ́ŋndʉŋ mbi yɛ́ pɔ́».

1 Kɔlɛ̂ŋtɛ 10:6

Mɔnɛ mɛnu kɑ ɡɛ pɑ́Ꞌnɛ pɑ́Ꞌ pɛkŋɛ ɡʉ ɛ́fú nǔu ńdɑk tú yɛkŋɛ. Lɑ ɛ́ lɛɛ pɔ́Ꞌɔ, pɛkŋɛ pɔɔ tsɑ́ɑ yúu kɛpɔŋ pɑ́Ꞌ pɔ́p pɔ́.

1 Kɔlɛ̂ŋtɛ 7:29

Pɔ́ɔpɛ́mɑ́ pɑ́ɑ, yúu mi n dɔɔ nɛcú pɔ́ pɔ ŋɡɔ: «MɛfʉꞋ-njí kɑ́ pɛn ńzɑ́ɑ pɔ́. Ɛ́ sɛ́ ḿbíkŋɛ ŋɡɔ tɛ ɛ́fú ŋkɔ̂ɔnɛ, pʉɔ pi pɔ́p zɔ́Ꞌnɛ ńnɑ́ŋ pɑ́Ꞌ ŋkɑ́ yi pɔ́p kɑ́ zɔ́Ꞌ.»

1 Kɔlɛ̂ŋtɛ 9:10

A ŋkɑɑ pɔ́ ńcú pɑ́Ꞌɑ mbíꞋ pɔ wɛkŋɛ pɔ́ ɔɔ? Ŋ kwɑŋɛ ŋɡɔ ɑ cú mbíꞋ pɔ wɛkŋɛ. Pɛ́ kɑ ŋwɑꞋnɛ yɔ nu, mbíꞋ pɔ wɛkŋɛ, ɛ́ zɛɛ ḿbɔ́ ḿbíkŋɛ ŋɡɔ nzʉ́Ꞌnɑŋ, pɔ́p ndɑkyúu, zẅíꞋlɛ yɔ́p yúu nǔu yúu mi ɛ́ ɡʉ ńcẅɛt ŋkɑ́Ꞌ.

Ŋɡɑlɑ̂t 4:24

Yɔ nu ḿbɔ́ pɛ́ pɛn ńzúꞋ nǔu wɛcɔ́ shʉ́. Pɑŋɡɛ́ pɔnɛ pɛ́pɑ́ lɔk nyɛt kɑɑ yɛ́pɑ́. Nduŋmbi kɑɑ pɔ́ yi ɛ́ kɑ fúnɛ ndǔ nɛŋkɔ́Ꞌ-Sinɑyi. Yîyɑ́ kɑɑ ɡɛ, pɛ́ pí mbɔ́ŋkʉ̈ɔ́ pɔ́p pɔ́ pɔ pɛkwɑɑ. A lɔk ḿbɔ́ Aŋɡɑɑ.

Filipɛ 4:5

Pʉʉ pɔ́ pʉɔ pi pɛ́ jí ŋɡɔ pʉʉ pɔ́tnɛ pɔ́tnɛ́nɛ. Pʉʉ kẅíitɛ ŋɡɔ ŋkɑ́ yi Tsɑpʉɔ ɡʉ ńtɔ́ kɑ́ sɑk.

Ɛ́bɛlʉʉ 10:25

Kɔɔ pɛkŋɛ nɑ́ nɛ́ kɛ́ ḿbɔ́ ńtɔ́ mɛcúꞋlɛ-mɛkŋɛ tɔ́nɛ, tɛ mbɑ pɑ́Ꞌ nɛtẅí cúꞋlɛ tsʉ́Ꞌ pɔ mɑt mbɔ̌ pɛcɔ́ pʉɔ lɑ́, tɛ ńtsʉ́Ꞌ pɔ́Ꞌɔ, ŋu wɛkŋɛ níꞋ mɛtʉʉ mɔ́ɔmɑ́ wɛ, ḿbɛn ńní kwɑꞋ mɛ́ ɡúu, mbíꞋŋɡɔ pʉʉ sɛ́ ńjʉ́ɔ pɑ́Ꞌ lɛ́Ꞌlɑ́Ꞌ-Tsɑpʉɔ sɛ́ ḿbɑ́ɑtɛ.

Ɛ́bɛlʉʉ 10:37

Ɛ́ zɛɛ ḿbɔ́ tsɛt ŋwɑꞋnɛ-Sɛ́, mbɔ pɛ́ kɑ ŋwɑꞋnɛ ŋɡɔ: Ɛ́ tsʉ́Ꞌ mɔ́zʉꞋ, kwɑꞋ mɔ́ɔ mɔ́zʉꞋ ŋu ẅi ɑ sɛ́ ńtɔ́, tɔ́. Ɛ́ kɛ́ lɑ́ɑtɛ pɔ́.

1 Jɑ̂ŋ 2:18

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.