1 Kɔlɛ̂ŋtɛ 10:10 - Kɑɑ Fí

¹⁰ Kɔɔ pʉʉ sẅíitɛ nǔu Tsɑpʉɔ. Ɛ́ pɛn ḿbɔ́ pɑ́Ꞌ pɛcɔ́ pʉɔ tsɛtsɛt pɔ́p kɑ ɡɛnɛ. Ɛ́ lɛɛ pɔ́Ꞌɔ, Cʉ̈ɔꞋ-Sɛ́ ẅí ɑ jẅítɛ́nɛ pʉɔ tɔ́ ńjẅítɛ wɔ́p.

1 Kɔlɛ̂ŋtɛ 10:10 교차 참조

ŊwɑꞋnɛ-Gɑŋntúu Yɛ́su Kɛlístɔ 12:23

Wɛcɔ́ cʉ̈ɔ́Ꞌ-Tsɑpʉɔ ɡɔ́ɔ ńtʉ́ʉ pɔ ŋkɑ́ yîyɑ́, ḿmɑꞋ ɡɔɔ nǔu fɔɔ Ɛlɔ̂dɛ, mbíꞋŋɡɔ ɑ kɑŋ mɛkuꞋ mí ɛ́ pɔ́ pɔ mɛ Sɛ́, ńdɔk ŋ́ɡɛ mɛ́. Mɛnɔ́ lúꞋlɛ wɛ́ ɑ pfú.

Filipɛ 2:14

Pʉʉ ɡɛ mbɑ kʉ̈ɔ́ lɑ́ kɛ́ sẅíitɛ, kɛ́ yɛcɔ́ zɔŋ nu tsɛtsɛt pʉʉ,

Ɛ́bɛlʉʉ 11:28

Ɛ́ kɑ fú pɔ nǔu pɑ́Ꞌ ɑ kɑ zɑ́pnɛ tʉ́m yɛ́ nǔu Sɛ́, lɑ ɑ zɛ nu-Pɑ́skɑ. Ɛ́ pɔ́ pɑ́Ꞌ ɑ kɑ cúnɛ pɛ́ lɔk mɛci-mɛnjinjɔ ńzɔ́Ꞌ mɛzɛ́Ꞌ-ndɑ́, ńjí ŋɡɔ Cʉ̈ɔꞋ-Sɛ́ ẅí ɑ tɔ́nɛ ḿbík ŋɡɑŋmbuu-Sɛ́, ɑ kɛ́ kuu pɔ́ɔ-nɛtú pʉɔ-Íslɑyɛ̂l pɔ́.

Jẅidɛ 1:16

Pʉɔ ɛ̂pɑ́ nɑ́ŋ ŋkɑ́ tsʉʉ nu pɔ́ ńzɑ́ŋ wɔ́p zɑ́ŋnɛ, ḿbɔ́ ŋ́kíi ŋɡʉ̈ɔ́Ꞌ yɔp, ńnɑ́ŋ ŋ́ɡɛ pɔ yúu mi mbʉʉ yɔp sɛ́ ńtsʉ́ʉnɛ wɔ́p nɛɡɛ, pɔ́p ŋkɑ́ tsʉʉ ɛ́sẅíi pɔ sẅiŋɛ yi pɔ́p lɔk ŋ́ŋɑ́Ꞌtɛ ŋɑ́Ꞌtɛ́nɛ, ḿbɔ́ ńdẅɑklɛ ŋu ḿbɔ́ ńjí pii yi pɔ́p ɡʉ ńjʉ́ nǔu wɛ́.

Mɛnu ɛ́ ńdɑ́Ꞌ ńcẅɛt 16:1

N zúꞋ yɛcɔ́ ŋɡi tɛnnɛ fú tsɛt zʉꞋ-nɔŋpɔꞋ ḿbɔ́ ńcú mbɔ̌ Pɛcʉ̈ɔ́Ꞌ-Sɛ́ pɑ́ sɑɑmbɑ́ ŋɡɔ: «Pʉʉ ɡʉ ndǔ tsɛ́tsɑ́Ꞌ, ńtswɛt zɑ́ŋ lɔ́ŋ-Sɛ́ yi ɛ́ tsɛt mɛntúꞋ sɑɑmbɑ́ lɑ́.»