1 Kɔlɛ̂ŋtɛ 1:21 - Kɑɑ Fí

²¹ Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Kɔlɛ̂ŋtɛ 1:21 교차 참조

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Lúkɑ́shi 10:21

Yɛ́su ḿbɔ́ ńcú yɔ nu, zẅikŋɛ Lɛ́ɛnɛ́nɛ ɡɛ tʉ́m yɛ́ ńtsɑ́ɑtɛ tɛꞋ, ɑ cú ŋɡɔ: «Tɑ̌ɑ mɔ, Tsɑpʉɔ, ɡu ẅi ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ. Ŋ ɡɑ́ pɑ́Ꞌlɑ́ mbɔ̌ ɡu pɑꞋ ɔ nyɛtnɛ mɔ mɛnu mbɔ̌ pɛɡɛɡʉʉ, ńdʉɔ mbɔ̌ ɡɑŋjínu pɔ́p pʉɔ pinɛ pɔ́p kɑ zíꞋnɛ ŋwɑꞋnɛ tɛꞋ lɑ́. Ɔ́ɔŋ mbɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡɛ ŋ́ɡɛ yɔ nu pɔ́ pɔ́Ꞌɔ.»

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 11:33

Sɛ́ tsuŋ ŋ́ɡẅɛɛ pɔŋtʉ́m nzʉʉ pʉɔ tsʉʉ, mbɔ ŋumɛsɔŋ pɔɔ tíi jínu Sɛ́ pɔ́, ŋ́kɛ́ ḿbɔɔ jí yúu mi Sɛ́ sɛ́ ŋ́kwɑŋɛ pɔ́, ḿbɔ́ wɔ̌ jí yúu mi Sɛ́ zɑ́pnɛ ŋɡɔ ɑ ɡʉ ŋ́ɡɛ? Mbɔ wɔ̌ kyɛ́Ꞌtɛ pɑ́Ꞌ Sɛ́ ɡɛnɛ mɛnu pɔ́Ꞌɔ?

1 Kɔlɛ̂ŋtɛ 1:18

Pɛ́ zɛɛ ńcú nu nǔu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ɛ́ pɔ́ mbɔ̌ pʉɔ pi pɔ́p nǔu sɛ̂ndúŋ nɛpɛ́ ḿbɔ́ pɔ nu-pɛpɑ́lɛ́, lɑ́ ŋ́kɛ́ ŋ́ɡʉ nǔu pɛkŋɛ pi pɛkŋɛ nǔu sɛ̂ndúŋ-luk, yîyɑ́ nu pɔ́ mbɔ̌ pɛkŋɛ ńdɔk ńdɛꞋlɛ pɔ mɛtʉʉ-Sɛ́.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

1 Kɔlɛ̂ŋtɛ 1:24

Lɑ́ ɛ́ ɡʉ mbɔ̌ pʉɔ pi Sɛ́ tsɔ́Ꞌnɛ wɔ́p, kɛ ɛ́ pɔ́ pɔ pɑyúdɑ ɔɔ, kɛ pʉɔ pi pɔ́p kɑ́ pɔ́ pɑyúdɑ pɔ́ ɔɔ, Kɛlístɔ lɛ́Ꞌlɛ́nɛ pɑ́Ꞌ mɛtʉʉ-Sɛ́ pɔ́nɛ, mbɑ pɑ́Ꞌ jínu-Sɛ́ pɔ́nɛ.

1 Kɔlɛ̂ŋtɛ 1:25

MbíꞋŋɡɔ yúu mi Sɛ́ ɡɛnɛ ŋumɛsɔŋ jʉ́ɔ ŋɡɔ ɛ́ nu-pɑ́lɛ, jínu nǔu ńdɛɛ yi ɛ́ nǔu yúu mi ŋumɛsɔŋ ɡɛnɛ. Yúu mi Sɛ́ pɛnnɛ ŋ́ɡɛ ŋumɛsɔŋ jʉ́ɔ ŋɡɔ ɛ́ pɔ́t pɔ́tnɛ, yîyɑ́ ɡẅɛɛ tʉʉ ńdɛɛ yi yúu mi ŋumɛsɔŋ ɡɛnɛ.

1 Kɔlɛ̂ŋtɛ 1:27

Lɑ́, Sɛ́ kɑ tsɔ́Ꞌ yúu mi ndǔmbí jʉ́ɔnɛ ɛ́ pɔ́ pɔ yúu pɛpɑ́lɛ́ ńdɔk ńtɛ́m sʉ́ʉ nǔu pɑjínu, ńtsɔ́Ꞌ yúu mi ɛ́ ndǔmbí ḿbɔ́t pɔ́tnɛ ńdɔk ńtɛ́m sʉ́ʉ nǔu mi ɛ́ ɡẅɛɛnɛ tʉʉ.

1 Kɔlɛ̂ŋtɛ 11:32

Lɑ́ Tsɑpʉɔ ŋ́ŋɑk wɛkŋɛ, ńdɔk ńtík wɛkŋɛ, ḿbɔ́k pɑ́Ꞌ mbɔ pɛ́ lɑ́Ꞌ ńtɛmtɛ wɛkŋɛ pɛ́ pʉɔ-ndǔmbí ŋ́ŋɑk.

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.

1 Kɔlɛ̂ŋtɛ 4:10

Nu-Kɛlístɔ ɡɛ pɛk tsʉ́Ꞌ pɛpɑ́lɛ́. Lɑ́ ŋ́kɛ́ ŋ́ɡʉ nǔu pʉʉ, mbɔ pʉʉ kɑ kɛ́mɔ́ ńdɛɛ nǔu Kɛlístɔ ńjí nu. Pɛk pɔ́ pɛpɔ́t pʉɔ. Pʉʉ ɡẅɛɛ mɛtʉʉ. Pɛ́ ɡɛ mɛkuꞋ mʉ́ʉ, ḿbɛn ńtɔ́ nǔu pɛk ŋ́ɡwɑ́k wɛ́k ɡwɑ́knɛ.

1 Kɔlɛ̂ŋtɛ 6:2

Pʉʉ kɑ́ pɔ́ ńjí ŋɡɔ pʉɔ Ndɛ́ɛnɛ Lɛ́ɛnɛ́nɛ ɡʉ ńdɑ́Ꞌ lɛ́Ꞌ ŋ́ŋɑk pʉɔ-ndǔmbí pɔ́ kɛ? Ɛ́ lɑɑ ḿbɔ́ yi pʉʉ ɡʉ ńdɑ́Ꞌ ŋ́ŋɑk pʉɔ-ndǔmbí, mbɔ kʉ̈ɔ́ ḿbɛn ŋ́ɡɛ pʉʉ pɔɔ kuꞋ nɛŋɑk mɛnu mi ɛ́ zɛɛ mbɔɔ yɛcɔ́ yúu kuꞋ?

Ŋɡɑlɑ̂t 1:15

Pɑ́Ꞌ mbɔ ŋ kɑ pɛ́t pɔ nɛpɛm, Sɛ́ tsɔ́Ꞌ wɑ́ɑ, ŋ́ɡɛ ŋ́ɡɑ́ fuꞋ yɑ́ɑ, ɛ́fúŋ wɑ́ɑ ŋɡɔ n tsʉ́Ꞌ ḿbɔ́ pɔ nǔu mɛ́ mbɔ́.

Ŋɡɑlɑ̂t 4:8

Pʉʉ kɑ pɔ́ yɛcɔ́ ŋkɑ́ mbɔɔ njí Sɛ́ pɔ́, ḿbɔ́ pɛkwɑɑ yúu pi pɛ́ kwɑŋɛ́nɛ ŋɡɔ ɛ́ mɛsɛ́, lɑ́ ɛ́ pɔɔ Sɛ́ pɔ́.

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.

Ɛ́bɛlʉʉ 7:25

Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

Jɑ̂k 5:15

CɛꞋlɛ yi pɛ́ ɡɔ́ ŋ́ɡɛ, ńzɑ́p tʉ́m nǔu Sɛ́, ɛ́ ɡɛ ɑ fíitɛ. Tsɑpʉɔ pʉꞋ wɛ́, ḿbɔ́ yi ɑ kɑ zɛɛ ŋ́ɡɛ pɔ nu kɛpɔŋ, mbɔ Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́.

Jɑ̂k 5:20

jínɛ ŋɡɔ ŋu ẅí ɑ tíknɛ wɛ́ tɛ ɑ fú nǔu sɛ̂ndúŋ kɛpɔŋ cẅɛt, ɡʉ ŋ́ɡɛ ɑ luk. Ɛ́ lɛɛ pɔ́Ꞌɔ, Sɛ́ likŋɛ mɛnu kɛpɔŋ mɛ tɛ ɛ́ zɑ́ɑ zɑ́ɑnɛ.