4 گڑا کَسترێن جنێنان سر و سۆج کرتَ کننت که چۆن وتی لۆگواجه و چُکّان دۆست بدارنت،
کَسترێن جنۆزامانی نامان هئوار مکنێت، چێا که وهدے آیانی جسمی واهگ هما وپائے سرا که گۆن مَسیها هست‌اِنتِش، بالادستَ بنت، آ سور و سانگ کنگَ لۆٹنت.
گڑا په کَسانێن جنۆزامان منی شئور و سَلاه همِش اِنت که آ سور و آرۆس بکننت، چُکّ بیارنت و وتی لۆگانی هئیالداریا بکننت که دژمن آیان بُهتام جت مکنت.
مسترێن جنێنان چۆ وتی ماتا و کَسترێن جنێنان چۆ وتی گُهارا نسیَت بکن، گۆن کاملێن پاک‌نیّتیا.
همے ڈئولا مزن‌اُمرێن جنێنان تالیم بدئے که شَرپدارێن زندے بگوازێننت، باپُشتا هبر مکننت و شرابی مبنت. آ باید اِنت شَرّێن کار و کِردئے درس و سَبکّا بدئینت.
چۆن داشتِش ببیت و پاک و پارسا ببنت، چۆن وتی لۆگئے کاران دلگۆش ببنت، چۆن مهربان و وتی لۆگواجهانی پرمانبردار ببنت تانکه کسّ هُدائے هبر بُهتام جنَگ مبیت.
