6 موسّا و هارون چه هماییئے دینی پێشوایان اتنت و سَموییل هم چه همایان اَت که هُداوندئے نامِش گپت. هُداوندِش تئوار کرت و آییا پَسّئو داتنت.
هُداوندا گۆن موسّایا گوَشت: ”تئو چێا منی کرّا پریات کنگا ائے؟ اِسراییلیان بگوَش دێما رئوان ببێت.
موسّایا هُداوندئے کرّا پریات کرت و هُداوندا موسّا داری ٹُکّرے پێش داشت. موسّایا دار آپا دئور دات و آپ شیرکن بوت. اۆدا هُداوندا په مهلوکا هُکم و پَرمانے گیشّێنت و مهلوکی چَکّاست.
موسّایا هُداوندئے کرّا پریات کرت و گوَشت: ”اے مهلوکا چۆن بکنان؟ اے وَه په منی سِنگسار کنگا اۆشتاتگ‌اَنت.“
دومی رۆچا موسّایا گۆن مهلوکا گوَشت: ”شما مزنێن گُناهے کرتگ. بله من بُرزادَ بان و هُداوندئے بارگاها رئوان. بلکێن شمئے گُناهانی کَپارَتا دات بکنان.“
