49 وتی سۆچۆکێن کَهر و گزبی آیانی سرا رئوان دات، کهر و گَزب و اَزاب، گار و گُمسار کنۆکێن پرێشتگانی ٹۆلیے آیانی سرا.
بدکارانی سرا اَنگَر و گۆکُرتَ گوارێنیت، آیانی جام و پیالهئے بَهر، سۆچاک و لوارێن گوات اِنت.
لۆگان پِر مُشتگێن اے هۆن شمئے نِشانیَ بیت که اِدا شما اێت. من اے هۆنان که گِندان، چه شما سرَ گوَزان و وهدے مِسرا تباهیئے کَهرے دئورَ دئیان، اے کَهر شمئے سرا نکپیت.
تئو چه وتی مَزَن‌شانیا دژمن سَرشکون کرتنت. تئو وتی هِژم راه دات و تئیی هِژمئے آسا دژمن چۆ پَلارا وارتنت.
