8 زمین لرزِت و آسمانان هئور گوَرت، هُدائے بارگاها، سینائے کۆهئے یکدانگێن هُدائے، هُدائے بارگاها، اِسراییلئے هُدائے.
بِلَرز، او زمین! هُداوندئے بارگاها، آکوبئے هُدائے بارگاها.
هُداوندا ستا بات، اِسراییلئے هُدایا، چه اَزل تان اَبد. اَنچش بات. آمین.
او هُدا! تئو وتی پاکێن جاگها باکَمال ائے، اِسراییلئے هُدا وتی کئوما زۆر و واکَ بکشیت. هُدایا ستا و سنا بات.
تئیی گْرندئے تئوار دَنز و گواتانی تها اَت، تئیی نورا جهان رۆشنا کرت، زمین لرزت و جُمبِت.
هُدایا مهلوک چه گیابانئے راها گَردێنان کرت و دێم په سُهرزِرا برت. اِسراییلی که چه مِسرا در آتکنت، سِلهبَند اَتنت.
چۆ بوت که سئیمی رۆچئے سُهبا گْرند و گِرۆک بوت و کۆهئے سرا بَزێن جمبرے زاهر بوت و کرنائے اَنچێن ترُندێن تئوارے چِست بوت که اُردگاهئے سجّهێن مردم چه تُرسا لَرزِتنت.
سینائے کۆه دوتّێا مان پۆشتگ‌اَت، چێا که هُداوند آسێئے تها کۆهئے سرا اێر آتکگ‌اَت و اے آسئے دوتّ چۆ کورَهئے دوتّا چِست اَتنت و سَرجمێن کۆه سکّ لرزگا اَت.
پدا هُدائے پرستشگاه اَرشا پَچ کنگ بوت و هُدائے اَهد و کَرارئے پێتی، آییئے پرستشگاهئے تها گِندگ بوت. گِرۆکی شَهم، بُرزێن تئوار و گْرند اَتنت، زمین‌چَنڈ و سکّ باز ترۆنگل بوت.
