2 منا چه بدکاران برَکّێن و چه هۆنیگان نجات بدئے.
تئو بدکار بکُشتێننت، او هُدا! چه من دور بێت، او هۆنواران!
منی ساها گُنهکارانی هۆریگا مگر و زِندا گۆن هۆنیگان،
وهدے بدکار هملهَ کننت که منی جسم و جانا بدِرّنت و اێر ببرنت، وهدے دژمن و بدواه منی سرا اُرُشَ کننت، آ وت ٹگلَ ورنت و کپنت.
بله تئو، او هُدا، بدکاران جُهلترێن کَلّا دئورَ دئیئے، هۆنوار و پرێبکارێن مردم وتی رۆچانی نێما هم زندگَ نماننت، بله من تئیی سرا تئوکلَ کنان.
اگن نه، آ منا شێرانی پئیما دِرّنت، چُنڈ چُنڈَ کننت و منا رَکّێنۆکے نبیت.
کئے اِنت که په منیگی بدکارانی دێما پاد بیئیت؟ کئے اِنت که په منیگی رَدکارانی دێما بۆشتیت؟
