11 کۆهستگانی سجّهێن بالی مُرگان جاهَ کاران و هر چے که زمینا گردیت منیگ اِنت.
بالی مُرگ چمّگانی کَشا کدۆهَ بندنت و درچکانی شاهڑانی نیاما سئوتَ جننت.
آ، هئیوانان وراکَ دنت و گوَراگان هم، وهدے پریاتَ کننت.
آسمانئے بالی مُرگان بچارێت، نه کِشنت و نه رُننت و نه اَمبارَ کننت، بله اَنگت شمئے آسمانی پت آیان وراک و رۆزیگَ دنت. شمئے اَرزش و کیمّت چه آیان گێشتر نه‌اِنت؟
گوَراگان بچارێت، نه کِشنت و نه رُننت و نه کَهدان و اَمبارِش هست. بله اَنگت هُدا آیان رۆزیگَ دنت. شمئے اَرزش و کیمّت چه مُرگان باز گێشتر اِنت.
