29 پهرێزکار مُلکا میراسَ برنت و تان اَبد همۆدا جهمنندَ بنت.
آ وتی رۆچان په سێری و هزگاریَ گوازێنیت و آییئے چُکّ و اۆبادگ زمینئے میراس برۆکَ بنت.
نرم‌دل مُلکا میراسَ برنت و چه وشّێن سُهل و اێمنیا شادکامیَ کننت.
هُداوند بێگناهانی رۆچانی نگهپان اِنت و میراسِش نمیرانَ بیت.
چه بدیا دێما چهر دئے و نێکی کن، گڑا تان اَبد مُلکا جهمنندَ بئے.
چیا که بدکار گُڈّگَ بنت، بله آ که هُداوندئے ودارا اَنت مُلکا میراسَ برنت.
بله ما نۆکێن آسمان و زمینئے اِنتزار و ودارا اێن که آیانی تها اَدل و راستی هاکمَ بیت. چێا که اے هُدائے لَبز و واده اِنت.
هما که سۆبێنَ بیت، اے سجّهێن چیزّی میراسا رسنت، من آییئے هُدا بان و آ منی چُکَّ بیت.
