21 چه سَهیونا هُداوندا بنازێنێت، هما که اورشَلیما جَهمنند اِنت. هُداوندا بنازێنێت، هَلّێلویا.
هُداوند چه سَهیونا ترا برکت بدئیات، اورشَلیمئے آبادیا بگنداتئے، وتی زِندئے سجّهێن رۆچان.
هُداوند چه سَهیونا شمارا برکت بدئیات، هما که زمین و آسمانئے اَڈّ کنۆک اِنت.
هُداوند مزن و ستائے باز لاهک اِنت، مئے هُدائے شهرئے تها. آییئے پاکێن کۆه،
سَهیونئے کۆه، زێبا گۆن وتی بُرزیا، سجّهێن جهانئے شادهی، شمالئے بُرزترێن بلندی، مَزَن‌شانێن بادشاهئے شهر اِنت.
هُدا آییئے بُرجان اِنت، وتا مُهرێن کلاتے پَجّارێنتگی.
او هُداوند! تئیی پرستشگاهئے تها مئے جُهلانکێن پگر و هئیال گۆن تئیی مِهرا اِنت.
آییئے تَمبو شَلیما اِنت و منندجاه، سَهیونا.
