74 هُداتُرس گۆن منی گِندگا شادمان باتنت، که من وتی اُمێت گۆن تئیی هبرا بستگ.
هُدایا چه وتی پاکیا هبر کرتگ: ”سۆبێنَ بان و شِکێما بهرَ کنان و سوکّۆتئے دَرَگا په وت کَدّ و کساسَ کنان.
چه بامگْواها پێسر پادَ کایان و پریاتَ کنان، من وتی اۆست و اُمێت گۆن تئیی هبرا بَستگ.
گڑا من هما مردمان پَسّئوَ دئیان که منا کَلاگَ بندنت، چێا که من تئیی هبرئے سرا تئوکلَ کنان.
راستێن هبرا چه منی دپا پَچ مگر، که منی اُمێت تئیی هُکمانی سرا اِنت.
هرکَس که چه تئو تُرسیت دێم په من بیایات، هما مردم که تئیی پرمانان سرپدَ بنت.
او سجّهێن هُداتُرسان! بیاێت و بِشکنێت، هما چیزّانَ گوَشان که په من کرتگ‌اَنتی.
زمین و آسمان گارَ بنت، بله منی هبر هچبر گار و زیانَ نبنت.
