4 تئو وتی رهبند داتگ‌اَنت که په سرجمیا آیانی رَندگیری کنگ ببیت.
موسّا و هارونا اَنچُش کرت. هما پئیما که هُداوندا هُکم داتگ‌اَتنت، آیان هما پئیما کرت.
آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“
اگن شما منا دۆستَ دارێت، گڑا منی هُکمانَ مَنّێت.
آ کَسا که منی هُکم گۆن اَنت و اِشانی سرا کارَ کنت، هما کَس منا دۆستَ داریت. آ که منا دۆستَ داریت، منی پت هم آییا دۆستَ داریت و من هم آییا دۆستَ داران و وتا په آییا زاهرَ کنان.“
هُدادۆستی همِش اِنت که هُدائے هُکمان کار ببندێن و آییئے هُکم گرانێن بارے هم نه‌اِنت.
