20 په تئیی هُکمان منی اَرواه مُدام زهیران درُشتگ.
بَهتاور اَنت هما که اَدلا برجاه دارنت، هما که مُدام اِنساپئے سرا کارَ کننت.
من وتی دپا پچَ کنان، تُنّیگ آن و په تئیی هُکمان زهیریگ.
او هُداوند! په هما نجاتا تلوَسَگا آن که چه تئیی نێمگا اِنت و تئیی شَریَت منی شادمانی اِنت.
په تئیی رهبندان هُدۆناک آن، چه وتی اَدلا منا زندگ بدار.
او هُدا! منی هُدا تئو ائے، گۆن وتی سجّهێن دل و جانا تئیی شۆهازا آن، اَرواهُن تئیی تُنّیگ اِنت و جسم و جانُن تئیی هُدۆناک، بےآپ و هُشکێن زمینێا.
منی اَرواه په هُداوندئے پرستشگاهئے پێشجاهان شئیدا و هُدۆک اِنت، منی دل و جان په زندگێن هُدایا په شادهی کوکّارَ کنت.
