3 منا گۆن نپرتیێن هبران چپّ و چاگردِش کرتگ، بێسئوَبا گۆن من په جنْگا پاد آتکگ‌اَنت.
منی پدِش گپتگ‌اَنت و همے انّون منا اَنگرِّش کرتگ، چمِّش په من دۆتکگ تان زمینا دئورُن بدئینت.
بازێن نَرێن گۆکێا منی چپّ و چاگرد گپتگ، باشانئے سرڈگارئے زۆراورێن گۆکان منا اَنگِرّ کرتگ،
مئیل که پرێبکارێن دژمن منی سرا شادهی کننت، مئیل هما که مُپت و ناهکّا چه من بێزار اَنت چمُّک و پونزُک بکننت.
چیا که په سُهل و اێمنی هبرَ نکننت، په آ مردمان که مُلکا آرام و بێجاک نِشتگ‌اَنت پُرمکرێن هبر پئیمَ کننت.
چیا که مُپت و ناهکّا په من دامِش چێر گێتکگ و په منی اَرواها کلِّش کۆتکگ.
آ که بێسئوَب چه من نپرتَ کننت چه منی سرئے مودان گێشتر اَنت. بازێنے منی گار کنگئے رندا اِنت دژمن منی سرا درۆگێن بُهتامَ جننت. چه من لۆٹنت هما چیزّان پِر بترّێنان که من ندُزّتگ‌اَنت.
سجّهێن رۆچا آپئے پئیما منا چپّ و چاگردا گپتگ و چه هر نێمگا انگِرِّش کرتگ.
