8 بله هُداوندا په وتی نامئیگی رَکّێنتنت، تانکه وتی زۆر و واکا زاهر بکنت.
وتی کارانی زۆری وتی کئومارا پێش داشتگ، درکئومانی میراسی وتی کئومارا داتگ‌اَنت.
او هُداوند! په وتی نامئیگی منا زندگ بدار، په وتی اَدلئیگی، منا چه سکّی و سۆریان در کن.
منی اَرواها تازگَ کنت و په وتی نامئیگی پهرێزکاریئے راهان منا دێما بارت.
او هُداوند! تئیی راستێن دست اَجَب زۆرمند اَت. او هُداوند! تئیی راستێن دستا دُژمن شِنگێنت.
هُداوندا اِسراییلیانی هاترا گۆن پِرئون و مِسریان هرچے که کرتگ‌اَت، موسّایا آ سجّهێن هبر گۆن وتی ناکۆا کرتنت. راهئے سجّهێن سکّی و سۆریانی بارئوا هم هبری کرت و گوَشتی که هُداوندا چۆن مارا رَکّێنتگ.
بله ترا پمێشکا زندگا اِشتُن که وتی زۆر و واکا ترا پێش بداران و سجّهێن جهانا منی نامئے جار جنَگ ببیت.
پرچا که پاکێن کتاب گۆن پِرئونا گوَشیت: ”من ترا په اے مکسدا مزنی داتگ که چه تئو وتی زۆر و واکا پێش بداران تانکه منی نام سجّهێن زمینا جار جنَگ ببیت.“
