8 جنکّا وتی ماتئے شئور و سَلاهئے سرا گوَشت: ”پاکشۆدۆکێن یَهیائے سرا همِدا تَبَکێئے تها بکن و منا بدئے.“
گڑا آییئے سر تَبَکێئے تها آرگ و جنکّا دئیگ بوت، آییا وتی ماتئے کِرّا برت.
سئوگندی وارت و لَبزی کرت که ”هرچے لۆٹئے بلۆٹ، په تئو بَکشگَ بیت.“
هیرودیس باز پرێشان و دِلتپرکه بوت بله مهمانانی دێما سئوگندی وارتگ‌اَت و جنِکی لبز داتگ‌اَت، پمێشکا پرمانی کرت آییئے اے واهگا برجاه بکننت.
جنکّ در آتک، وتی ماتئے کِرّا شت و جُستی کرت: ”چے بلۆٹان؟“ ماتا گوَشت: ”پاکشۆدۆکێن یَهیائے سرا بلۆٹ.“
گڑا آ زوتّ زوتّا پِر ترّت، بادشاهئے کِرّا آتک و گوَشتی: ”من پاکشۆدۆکێن یَهیائے سرا تَبَکێئے تها لۆٹان، همے انّون.“
تَبَکێئے تها په جنکّا آورت و رَسێنت. جنکّا سر برت و وتی ماتارا دات.
