14 دیستی که مزنێن پرستشگاها مردم گۆک و پَس و کپۆتئے بها کنگا گُلاێش اَنت و سَرّاپ هم نِشتگ‌اَنت.
اَنچُش که اورشَلیما سر بوتنت، ایسّا مزنێن پرستشگاهئے پێشگاها شت و اۆدا سئوداگر و گْراکانی گلّێنگ و در کنگا گُلاێش بوت. زَرّ بدل کنۆکێن سَرّاپانی ٹێبَلی چپّی کرتنت و کپۆت بها کنۆکانی کُرسی و تَهتگی دئور داتنت.
مردمی تالیم داتنت و گوَشتی: ”زانا، هُدائے کتابا نبیسگ نبوتگ: منی لۆگ سجّهێن کئومانی دْوا و پرستشئے جاگه ببیت، بله شما دُزّبازارے کرتگ.“
گڑا چه سادا هئیزرانے جۆڑی کرت و سجّهێن سئوداگر و پَس و گۆکی چه پرستشگاها گلّێنتنت و سَرّاپانی زرّ و سِکَّه‌ای هم رێتکنت و ٹێبَلی چپّی کرتنت.
