یوهَنّا 19:6 - هُدائے پاکێن کتاب، بلۆچی زبانا

⁶ وهدے مزنێن دینی پێشوایان و آیانی سپاهیگان دیست، کوکّارِش کرت: ”سَلیبی کَشّ! سَلیبی کَشّ!“ پیلاتوسا گوَشت: ”شما وت اِشیا بزورێت و سَلیب بکَشّێت. من په اِشیئے مئیاریگ کنگا هچّ بنیادے نگندان.“

یوهَنّا 19:6 교차 참조

مَتّا 26:58

پِتْرُس هم دور دورا، ایسّائے رندا رئوان اَت تان مسترێن دینی پێشوائے لۆگئے پێشگاها رَست، تها پُترت و گۆن هِزمتکاران نِشت تان بزانت که چۆنێن شئورے بُرّگَ بیت.

مَتّا 27:22

پیلاتوسا چه آیان جُست کرت: ”گڑا گۆن ایسّایا که مَسیه هم گوَشنتی، چے بکنان؟“ آیان په همتئواری پَسّئو دات و گوَشت: ”سَلیبی کَشّ!“

مَتّا 27:24

وهدے پیلاتوسا دیست که هچّ کارے کرتَ نکنت و مردم شۆرش کنگا اَنت، گڑا آییا آپ زرت، مُچّیئے دێما وتی دست ششتنت و گوَشتی: ”من چه اے مردئے هۆنا بێمئیار آن، شما بزانێت و شمئے کار.“

لوکا 23:4

پیلاتوسا گۆن مزنێن دینی پێشوا و آ دگه مردمان گوَشت: ”من په اے مردا هچّ مئیارے نگندان.“

یوهَنّا 18:3

گڑا یَهودایا، رومی پئوجی و پَریسی و مزنێن دینی پێشوایانی دێم داتگێن لهتێن سپاهیگ زرت و هما باگا برتنت. آیان چِراگ و مَشَل و سِلاه گۆن اَت.

یوهَنّا 18:31

پیلاتوسا گوَشت: ”اِشیا ببرێت و وتی شَریَتئے هسابا په اِشیا شئور و هُکمے ببُرّێت.“ یَهودیان گوَشت: ”مارا اے اجازت نێست که کَسێا مَرکئے سزا بدئیێن.“

یوهَنّا 18:38

پیلاتوسا درّاێنت: ”راستی چے اِنت؟“ اے هبرئے کنگا رند پیلاتوس پدا یَهودیانی کِرّا شت و گوَشتی: ”من هچّ چُشێن بُنیادے نگندان که اے مردا مئیاربار بکنان.

یوهَنّا 19:15

بله آیان کوکّار کرت: ”گار و گُمساری کن! گار و گُمساری کن! سَلیبی کَشّ!“ پیلاتوسا گوَشت: ”شمئے بادشاها سَلیب بِکَشّان؟“ مزنێن دینی پێشوایان گوَشت: ”چه کئیسَرا اَبێد، مارا دگه بادشاهے نێست.“

یوهَنّا 19:4

پیلاتوس پدا یَهودیانی کِرّا ڈنّا در آتک و گوَشتی: ”بچارێت، اِشیا شمئے کِرّا ڈنّا کاران تانکه شما بزانێت که من په اِشیئے مئیاریگ کنگا هچّ بنیادے نگندان.“

کاسِدانی کار 2:23

اے مرد گۆن هُدائے پێشزانتی و گیشّێنتگێن شئورا شمئے دستا دئیگ بوت و شما گۆن بێدینانی کُمکّا سَلیبئے سرا دْرتک و کُشت.

کاسِدانی کار 7:52

کجام پئیگمبر شمئے پت و پیرێنان آزار نداتگ؟ شمئے پت و پیرێنان تنتنا هما پئیگمبر هم کُشتنت که آیان آ ’پاک و نێکێنئے‘ آیگئے پێشگۆیی کرتگ‌اَت. نون شما آییئے جندئے دْرۆهۆک و هۆنیگ اێت.