پێدایش 46:5 - هُدائے پاکێن کتاب، بلۆچی زبانا

⁵ گڑا آکوب چه بێرشێبَها در کپت. اِسراییلئے چُکّان وتی پت آکوب و کَسانێن چُکّ و وتی جنێن هما اَسپ‌گاڑیان نادێنتنت که پِرئونا په آکوبئے آرَگا راه داتگ‌اَتنت.

پێدایش 46:5 교차 참조

پێدایش 21:14

دومی سُهبا ماهلّه اِبراهێما تۆشگ و مَشکے آپ زُرت و هاجِرارا دات. مَشک و تۆشگی هاجِرئے کۆپگا داتنت و گۆن چُکّا دری کرت. هاجِر شت و بێرشێبَهئے گیابانا سَرگَردان بوت.

پێدایش 45:19

په تئو هُکم اِش اِنت که وتی براتان بگوَش: ’چۆ کنێت که په وت چه مِسرا اَسپ‌گاڑی بزورێت گۆن، په وتی جَن و چُکّان. وتی پتا بزورێت و بیاێت.

پێدایش 45:21

گڑا اِسراییلئے چُکّان اَنچُش کرت. هما پئیما که پِرئونا هُکم داتگ‌اَت، ایسُّپا وتی براتانا اَسپ‌گاڑی و تۆشگ دات.

پێدایش 45:27

بله وهدے آیان ایسُّپئے گوَشتگێن هبر گۆن پتا کرتنت و آکوبا هما اَسپ‌گاڑی دیستنت که ایسُّپا په آییئے آرگا راه داتگ‌اَتنت، اَرواهی تازَگ بوت.

دَرگوَز 10:24

پِرئونا موسّا لۆٹاێنت و گوَشتی: ”برئوێت و هُداوندئے پرستشا بکنێت. بَسّ شمئے رمگ و گۆرُم همِدا دارگَ بنت. وتی چُکّان هم برێت گۆن.“

دَرگوَز 10:26

باید اِنت ما وتی مال و دَلوَتان هم ببَرێن گۆن. یکّ سْرُمبے هم پَشت مکپیت، چێا که ما چه اِشان لهتێن په وتی هُداوندێن هُدایا گچێنَ کنێن و تانکه ما اۆدا سَر مبێن، نزانێن کجامیا په هُداوندا کُربانیگ بکنێن.“

کاسِدانی کار 7:15

اے ڈئولا، آکوب مِسرا شت و همۆدا آ و مئے پت و پیرُک بێران بوتنت.