30 اِسراییلا گۆن ایسُّپا گوَشت: ”نون من په مِرَگا تئیار آن، چێا که گۆن وتی جندئے چمّان دیستُن که تئو زندگ ائے.“
اِسراییلا گوَشت: ”بَسّ، نون منا باور اِنت. منی چُکّ ایسُّپ اَنگت زندگ اِنت. چه اِد و پێسر که بمران، رئوان که ایسُّپا بگندان.“
ایسُّپا وتی اَرّابه تئیار کناێنت و گۆشِنا، وتی پت اِسراییلئے چارگا شت. اَنچۆ که ایسُّپ پتئے کِرّا سر بوت، پتی گلاێش کرت و تان دێرا گرێتی.
ایسُّپا گۆن وتی براتان و گۆن وتی پتئے لۆگئے مردمان گوَشت: ”منَ رئوان و پِرئونا هالَ دئیان. گوَشانی که منی برات و منی پتئے لۆگئے مردم که کَنهانئے مُلکا نِندۆک بوتگ‌اَنت، نون منی کرّا آتکگ‌اَنت.
