7 وهدے ایسُّپا وتی برات دیستنت، پَجّاهی آورتنت، بله آیانی دێما زاهری نکرت. گۆن آیان په ترُندی هبری کرت و جُستی کرت: ”شما چه کجا آتکگێت؟“ آیان پَسّئو دات: ”چه کَنهانئے مُلکا، دانئے زورگا آتکگێن.“
”هما مرد که مُلکئے مستر اِنت، آییا گۆن ما په تْرندی هبر کرت و گوَشتی: ’شما اے مُلکا جاسوسی کنگا آتکگێت.‘
برات، ایسُّپئے دێما اُمرئے هسابا نادێنگ بوتگ‌اَتنت، مستر مسترێنا بگر تان کَستر کَسترێنا. ائولی چُکّ وتی پێدائِشی هَکّئے هسابا و کَسترێن، وتی کَستریئے هسابا. پمێشکا برات په هئیرانی یکدومیا چارگا اَتنت.
