35 وهدے آ وتی گۆنیان هالیگ کنگا اَتنت، هر یکّێئے گۆنیا آییئے نُگرهانی تورگ مان اَت. وهدے آیان و آیانی پتا نُگرهئے تورگ دیستنت، تُرستِش.
دو سَری نُگره بَرێت گۆن که شمارا هما نُگره پدا دئیگی اَنت که شمئے گۆنیانی دپ دپا اێر کنگ بوتگ‌اَتنت. بلکێن په رَدی چۆ بوتگ.
گڑا مَردان ٹێکی و دو سَری نُگره و بِنیامین زرت و راه گِپتنت. مِسرا که رَستنت، ایسُّپئے دربارا آتک و اۆشتاتنت.
پِر تَرّگا ما شپا یکّ جاگهێا داشت. ما وتی بار که بۆتکنت، دیستِن که چه ما هرکَسئے نُگره سَرجمیا آییئے جندئے گۆنیئے دپ دپا اێر اَنت. نون ما اے نُگره پدا آورتگ‌اَنت گۆن.
نون ایسُّپا وتی لۆگئے پێشکار چۆ هُکم دات: ”اِشانی گۆنیان چه وراکا پُرّ کنێت. همینچک که بُرتَ کننت، بدئیێتِش و هر یکّێئے نُگرهان آییئے گۆنیئے دپ دپا اێر کنێت.
