10 اَبیمَلِکا گوَشت: ”تئو چێا گۆن ما چُش کرت؟ اگن منی مردمے گۆن تئیی جَنا بوَپتێن، تئو گناهے مئے چَکّا دئور داتگ‌اَت.“
اَبیمَلِکا اِساک لۆٹاێنت و گوَشت: ”اَچه اے تئیی جَن اِنت! تئو چێا گوَشتگ که ’منی گهار اِنت‘؟“ اِساکا پَسّئو دات: ”من وتی دلا گوَشت که آییئے سئوَبا یکّے منی جندا کُشیت.“
سُهب که بوت، آکوبا دیست که وئے، اے وَه لیاه اِنت. گڑا گۆن لابانا گوَشتی: ”اے چۆنێن کارے که تئو گۆن من کرت؟ من په راهیلا تئیی هِزمت نکرت؟ تئو چێا منا رَد دات؟“
