9 موسّایا گۆن پِرئونا گوَشت: ”جی، هُکم کن. کدی په تئو و په تئیی هِزمتکار و مردمان دْوا بکنان که پُگُل چه تئو و چه تئیی لۆگان گار و بێگواه ببنت و تهنا کئورا بجَلّنت؟“
پِرئونا گوَشت: ”باندا.“ موسّایا گوَشت: ”اَنچُشَ بیت که تئو گوَشئے. پُگُل چه تئو و تئیی لۆگان، چه تئیی هِزمتکار و مردمان دورَ بنت و تهنا کئورا جَلّنت، تانکه تئو بزانئے که مئے هُداوندێن هُدائے مَٹّ نێست.“
پِرئونا موسّا و هارون لۆٹاێنتنت و گوَشتی: ”هُداوندئے کرّا دْوا کنێت که پُگُلان چه من و منی مردمان دور ببارت. من شمئے مهلوکا رئوگا کِلّان که په هُداوندا کُربانیگ بکنت.“
