16 موسّایا سجّهێن کار هما پئیما کرتنت که هُداوندا هُکم داتگ‌اَت.
گڑا نوها همے پئیما کرت. هرچے که هُدایا گوَشتگ‌اَت، نوها کرت.
اَنچۆ که تئو آیانی پت رۆگن پِر مُشتگ، آیانی جندا هم رۆگن پِر مُش که دینی پێشوا ببنت و منی هِزمتا بکننت. گۆن رۆگن پِر مُشگا آیان دینی پێشواییَ رسیت و اے پێشوایی اَبدمانَ بیت، نَسلانی نَسل.“
موسّا و هارونا اَنچُش کرت. هما پئیما که هُداوندا هُکم داتگ‌اَتنت، آیان هما پئیما کرت.
آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“
