31 پێشگاهئے چَپّ و چاگردئے بُنهِشت، پێشگاهئے دپئے بُنهِشت، تَمبوئے سجّهێن مێه و پێشگاهئے چَپّ و چاگردئے سجّهێن مێه چه همے بْرِنجان اَڈّ کنگ بوتنت.
گۆن بیست مِنُک و بیست بْرِنجێن بُنهِشتا اَڈِّش کن. مِنُکانی بند و کَڑی نُگرهئے ببنت.
تَمبوئے آ دگه سامان، په تَمبوئے هر کارێا که کارمرزَ بنت، چه بْرِنجا اَڈّ کنگ ببنت. تَمبوئے و پێشگاهئے سجّهێن مێه هم چه بْرِنجا اَڈّ کنگ ببنت.
شاهدیئے تَمبوئے دپئے بُنهِشت، بْرِنجێن کُربانجاه و آییئے بْرِنجێن جالی و کُربانجاهئے سجّهێن سامان،
چه آسمانی و جَمو و سُهرێن پَژما دَزگواپێن گُدِش اَڈّ کرت که وهدے پێشوا په هِزمت کنگا پاکێن جاگها رئوت، گوَرااِش بکنت. هما پئیما که هُداوندا موسّا هُکم داتگ‌اَت، په پێشواێن هارونا پاکێن گُدِش اَڈّ کرت.
