31 بله موسّایا آ گْوانک جتنت. هارون و کئومئے سجّهێن سرۆک موسّائے کرّا پِر تَرِّتنت و موسّایا گۆن آیان هبر کرت.
ایسُّپا وتی سجّهێن برات اَمباز کرت و چُکِّتنت و گرێتی. نون آییئے برات گۆن آییا هبرا لگّتنت.
ایسُّپا گۆن براتان گوَشت: ”من ایسُّپ آن. منی پت اَنگت هست و سلامت اِنت؟“ برات ایسُّپئے دێما تُرسگا اَتنت و هچّ پَسّئوِش دات نکرت.
هر شَشُمی رۆچا آیان دو سَری وراکَ زرت، بزان په هر مردمێا دو اُمێر. مهلوکئے سجّهێن سرۆک موسّائے کرّا آتکنت و موسّااِش هال دات.
هُدایا گۆن موسّایا اے هم گوَشت: ”گۆن بنی اِسراییلا بگوَش که ’یَهوِه‘، بزان شمئے بُنپیرکانی هُدا، اِبراهێمئے هُدا، اِساکئے هُدا و آکوبئے هُدایا منا شمئے کرّا راه داتگ. تان اَبد منی نام همِش اِنت و من نَسلانی نَسل همے ناما یات کنگَ بان.
وهدے هارون و سجّهێن اِسراییلیان موسّا دیست، چه آییئے دێمئے درَپشناکیا آییئے نزّیکّا رئوَگِش تُرسِت.
نون سجّهێن اِسراییلی موسّائے نزّیکّا آتکنت و آییا هما سجّهێن پرمان اِسراییلیانا سَر کرتنت که هُداوندا سینائے کۆها آییارا داتگ‌اَتنت.
