27 موسّایا گوَشت: ”هُداوند، اِسراییلئے هُدا چُشَ گوَشیت: ’شما سجّهێن وتی زهمان لانکا ببندێت و اُردگاها اے سرا تان آ سرا برئوێت و بیاێت و وتی برات و دۆست و نَزّیکّێن مردمان بکُشێت.‘“
موسّا اُردگاهئے دپا اۆشتات و گوَشتی: ”هرکَس که هُداوندئے نێمگا اِنت، منی کِرّا بیئیت.“ لاویئے سجّهێن چُکّ موسّائے کِرّا مُچّ بوتنت.
لاویئے چُکّان موسّائے هبر زرت. آ رۆچا کِساس سئے هزار مردم کُشگ بوت.
موسّایا گوَشت: ”مرۆچی شما په هُداوندا گِچێن کنگ بوتگێت، چێا که شما سجّهێن وتی چُکّ و براتانی هلاپا پاد آتکگێت. پمێشکا مرۆچی شمارا هُداوندئے برکت رَستگ.“
”آ که لۆٹیت منی مرید ببیت، اگن چه وتی پت و مات، جَن و چُکّ، برات و گهاران و چه وتی جندئے ساها هم سر مگوَزیت، منی مرید بوتَ نکنت.
