4 په کُربانجاها تلاهئے کَڑی اَڈّ کن و همے پَٹّیئے چێرا پِرِش کن. کُربانجاهئے دوێن کَشان دو دو کَڑی پِر کن که کُربانجاهئے چِست کنگئے وهدا گوَرباسکان بدارنت.
په پێتیا تلاهئے چار کَڑی اَڈّ کن و پێتیئے چارێن پادَگان لِچّێنِش، دو کَڑی یکّ نێمگێا و دو آ دگه نێمگا.
په پێتیئے چست کنگا گوَرباسکان چه پێتیئے کَشئے کَڑیان بگوازێن.
اے کَڑی باید اِنت کابئے نزّیکّا ببنت چێا که ٹێبَلئے چِست کنگئے وهدا گوَرباسکانَ دارنت.
تَهتَگان گۆن تلاها سرپۆش کن و په گوَربَستانی دارگا تِلاهئے کَڑی اَڈّ کن. گوَربَستان هم گۆن تلاها سرپۆش کن.
په کُربانجاها جالیے، بزان بْرِنجئے ٹَٹے اَڈّ کن و په اِشیئے چارێن کُنڈان چه بْرِنجا چار کَڑی اَڈّ کن.
گوَرباسکان چه کَڑیان گوازێن که کُربانجاهئے چست کنگئے وهدا کُربانجاهئے دوێن کَشان ببنت.
کُربانجاهئے سرا و سجّهێن نێمگان و کانٹان گۆن زَگرێن تلاها سرپۆش کن و چَپّ و چاگردا تلاهێن پَٹّیے پِری کن.
گوَرباسکان چه چِگردئے دارا اَڈّ کن و گۆن تلاها سرپۆش کن.
