26 گڑا هما گوَرانڈ که په هارونئے پێشواییئے پاگبَندیئے رسما کُربانیگ کنگَ بیت، آییئے سێنَگا بزور و چِست کنگی کُربانیگێئے هسابا هُداوندئے بارگاها چِستی کن. اے تئیی وَنڈ اِنت.
موسّا و هارون چه هماییئے دینی پێشوایان اتنت و سَموییل هم چه همایان اَت که هُداوندئے نامِش گپت. هُداوندِش تئوار کرت و آییا پَسّئو داتنت.
پێشوائے پاگبَندیئے گوَرانڈئے هما سێنَگا و پادئے بُنا وَپْک کن که چِست کنگی کُربانیگئے تها اَتنت. اے هارون و آییئے چُکّانی وَنڈ اِنت.
