چێا که هُداوندا شَش رۆچا آسمان، زمین، دریا و هرچے که اِشانی تها هست، اَڈّ کرتنت و هپتمی رۆچا آرامی کرت، پمێشکا هُداوندا شَبَّتئے رۆچ برکت داتگ و گِچێنی و پاکێن رۆچے جۆڑ کرتگ.
وتی برات هارون و آییئے مَردێن‌چُکّان، بزان ناداب و اَبیهو و اِلیازَر و ایتامارا چه اِسراییلیانی نیاما وتی کرّا بیار که دینی پێشوا ببنت و منی هِزمتا بکننت.
هما سجّهێن هُنرمند که من په چُشێن کاران دانایی بکشاتگ‌اَنت، آیان بگوَش که هارونئے پۆشاکان تئیار بکنێت که هارونِش گوَرا بکنت و په دینی پێشوایی و منی هِزمتا وَپک ببیت.
کمّے پِر مُشَگی رۆگن و چه کُربانجاهئے سرا کمّے هۆن بزور و هارون و آییئے گُدانی سرا و هارونئے چُکّ و آیانی گُدانی سرا درَنز دئے. گڑا هارون و آییئے گُد و آییئے چُکّ و چُکّانی گُد وَپْکِ هُداوندیَ بنت.
