29 هارون که پاکێن جاگها رئوت، اِسراییلئے مردێن‌چُکّانی نام پئیسله‌سازیئے سێنَگ‌پۆشئے سرا په یاتگێجی مُدام هُداوندئے بارگاها آییا گۆن ببنت.
اێپۆدئے دوێن سَرکۆپَگان پِرِش کن که اِسراییلئے چُکّانی یاتگێجیئے سِنگ اَنت. هارون هُداوندئے بارگاها په یاتگێجیا اِشانی نامان وتی دوێن کۆپَگانی سرا بکنت.
پئیسَله‌سازیئے سێنَگ‌پۆشے اَڈّ کن. اِشیا اێپۆدئے پئیما اَڈّ کن، بزان چه تلاها و چه آسمانی و جَمو و سُهرێن پَژما و چه هورت‌گواپێن لیلُما اَڈّی کن. اے کارا هُنرمندێن اِزمکارے بکنت.
سێنَگ‌پۆشئے کَڑیان گۆن آسمان‌رنگێن بندان اێپۆدئے کَڑیان اَنچۆ بند که سێنَگ‌پۆش اێپۆدئے بندئے سربرا ببیت و چه اێپۆدا مَسُریت.
اوریم و تومیما پئیسله‌سازیئے سێنَگ‌پۆشا مان کن که وهدے هارون هُداوندئے بارگاها رئوت، اے آییئے دلئے سرا ببنت. اے ڈئولا هارون هر وهدا هُداوندئے بارگاها اِسراییلئے پئیسله‌سازیئے ائوزاران وتی دلبَندا بداریت.
او براتان! منی دلئے اَرمان و دْوا گۆن هُدایا په اِسراییلیان همِش اِنت که آ برَکّنت.
