8 سجّهێن مهلوکا همتئواریا چۆ پَسّئو دات: ”هرچے هُداوندا گوَشتگ، ما اَنچُشَ کنێن.“ موسّایا مهلوکئے پَسّئو هُداوندئے کِرّا برت.
آیان گۆن موسّایا گوَشت: ”تئو وت گۆن ما هبر کن و ما تئیی هبرا گۆشَ دارێن، بله مئیل که هُدا گۆن ما هبر بکنت. اگن هُدا گۆن ما هبر بکنت، ما مرێن.“
موسّا آتک و هُداوندئے سجّهێن هبر و پرمانی مردمانا سر کرتنت. سجّهێن مهلوکا په همتئواری گوَشت: ”هُداوندا هرچے که گوَشتگ، ما اَنچُشَ کنێن.“
اَهد و پئیمانئے کتابی زرت و مردمانی دێما وانتی. آیان گوَشت: ”هرچے که هُدایا گوَشتگ، ما هما پئیما کنێن و پرمانبردارَ بێن.“
مهلوکا باوَر کرت. وهدے آیان اِشکت که هُداوندا مئے نێمگا دلگۆش کرتگ و مئے بزّگی‌ای دیستگ، په ادب سرِش جَهل کرت و پرستش کنگا لگّتنت.
