بیمّ و دَهشَتے دلا کپیتِش. چه تئیی باسکئے زۆرمندیا آ سِنگ و سیاهَ بنت، تان هما وهدا که تئیی مهلوک بگوَزیت، او هُداوند، تان هما وهدا که تئیی مۆکِتگێن مهلوک بگوَزیت.
اِسراییلیان گوَشت: ”دْرێگتا ما مِسرا هُداوندئے دستا بمُرتێنێن. اۆدا وَه ما گۆشتئے دێگانی کِرّا نِشتگ‌اَتێن و دِلئے سێرا نانَ وارت. بله شما مارا اے گیابانا آورت که اے سجّهێن مهلوکا چه شُدا بکُشێت.“
میدیانئے دینی پێشوا یَترون که موسّائے جَنئے پت اَت، هما سجّهێن کارانی بارئوا سهیگ بوت که هُدایا په موسّا و آییئے مهلوک اِسراییلا کرتگ‌اَتنت، بزان هُداوندا چۆن اِسراییلی چه مِسرا در کرت و آورتنت.
