20 جمبرئے مِنُک مِسرئے لشکر و اِسراییلئے لشکرئے نیاما اۆشتات. جمبرا یکّ نێمگے تهار و دومی نێمگ رُژنا کرت. سجّهێن شپا لشکر یَکدومیئے نزّیکّا نئیاتکنت.
تهارۆکی وتی پۆشاکی کرت و جمبرانی گُبار و سیاهێن هئوری وتی چاگردئے کاپار کرتنت.
آیی په اێمنی رهشۆنی کرتنت که متُرسنت بله آیانی دژمن دریایا مان پتاتنت.
هُدائے پرێشتگ که اِسراییلی لشکرئے دێما رئوان اَت، کِنزت و آیانی پُشتا شت. جمبرئے مِنُک هم چه آیانی دێما کِنزت و آیانی پُشتا اۆشتات.
موسّایا وتی دست دریائے سرا شهار دات و چه هُداوندئے زۆرا سجّهێن شپا چه رۆدراتکا ترُندێن گواتێا کَشِّت و دریا پُشتا کِنزێنت. آپ دو بهر بوت و هُشکی زاهر بوت.
